< 返回
  • 【壹夢成真】帶聽障女生過澳門 睇偶像側田演唱會(上集)
  •   7,610 views │ 2018年06月13日
    留言()

 

壹仔之前訪問過方包,雖然天生嚴重聽障,但阻唔到佢鍾意音樂、彈結他,佢仲話自己feel到側田唱歌,覺得好感動!側田睇完方包個訪問,即刻搵人送咗兩張澳門演唱會飛比方包,而家,就等我哋直擊成個過程!第一次睇演唱會嘅方包,帶住興奮又緊張嘅心情過大海!「我無諗過側田送飛俾我,收到之後感覺好開心,同埋好興奮,我以前未去過演唱會,第一次去演唱會,所以我唔知到時會係點樣,因為聽唔到,無諗過會去到演唱會,所以我好感動,同埋好開心,所以我好多謝側田,夜晚會見到佢會好緊張,因為我第一次見到佢真人,我會親自同佢講多謝。」

知道可以見到側田,方包仲預備咗份禮物送俾偶像!「我畫咗一個禮拜,畫佢嘅所有故事,同埋佢嘅音樂認真係點樣,我留意咗佢好耐,我留意咗十年,所以我畫晒十年內所有故事。」搭船去澳門,再由碼頭轉接駁車去到金光綜藝館,先帶方包入後台,睇吓見唔見到側田先!側田換衫準備開騷,約定咗方包喺慶功宴見面,方包趕住去台前,欣賞佢個good show!方包戴住耳機睇側田演唱會,見到全場燈光閃閃,佢雖然聽唔到十足,但憑住側田嘅歌聲,feel到音樂嘅存在。「我無諗過演唱會好正,無諗過可以咁有氣氛,我以前覺得演唱會好普通之嘛,但今次第一次去演唱會,原來係好有氣氛,好開心,同埋好感動,我都差點喊。」(下集再續)

採訪及策劃:肥A

攝錄:蕭敬漁、林金展

立即按此連結下載《壹週刊》APP:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,416 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,068 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,269 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,494 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,365 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,027 views