< 返回
  • 【爆煲半年】逼騷胸性感患抑鬱 石詠莉:呢個世界上所有人都害我(足本版)
  •   27,647 views │ 2018年08月05日
    留言()

 

「我好細個已經出嚟工作,如果你話真係無飯開嘅時間,係我啱啱出嚟做嘢,當時啱啱畢業,唔敢問屋企人拎錢,然後以往都有儲少少零用錢嘅習慣,我好記得,頭一個月我係為咗養屋企,我每日只得五蚊用。」嗰陣sukie得17歲,那些年嘅日子,對佢嚟講特別深刻!「我買一個麵包都係兩蚊,仲要係嗰啲好大、超長嘅麥包,早午晚都係食嗰個麥包,如是者食咗一個月,出糧後就好少少,可以真係食吓飯,唔敢話俾媽咪聽,因為驚佢擔心,到出嚟做一個歌手,其實好慶幸當時無問媽咪借錢,因為我學識到,原來儲錢係好緊要,自此就算我做一個藝人都好,我覺得藝人都係人啫,我哋都可以搭吓地鐵,都可以慳家,好彩我自己一直都有儲少少錢。」

入行後,Sukie同甄詠珊、陳樂榣組成性感組合Freeze,不過,佢似乎唔係好想去回憶。「對於自己嗰段過去,我形容為一個又愛又恨嘅歷史,因為我好感激遇到呢個經歷,令我真係成長咗好多,我以前十九歲已經入行,簽咗俾當其時嘅經理人公司加唱片公司,我淨係知道自己嘅夢想就係唱歌,我好想唱歌,所以簽俾呢間公司,與此同時我其實好多嘢都無諗清楚,我亦都唔識得去消化乜嘢係好,乜嘢係壞,唔識得決定邊一啲嘢究竟係我自己內心能唔能夠承受到嘅嘢,其實我嘅情緒都有爆咗煲,去到某一段時間我直情有抑鬱症、情緒病。」Sukie講番抑鬱嗰段日子,每日收工返到屋企,第一件事就係好大力閂門匿喺房度喊。「媽咪都唔知我發生乜嘢事,我就喺自己間房張床度冚埋被不停喊,我淨係知道要喊,我要抒發呢個情緒,我唔知點解,如是者都過咗差唔多半年,我就開始疏遠啲朋友,我覺得呢個世界上所有人都害我,開始意識到唔得喎,再係咁樣落去我會冧,會照顧唔到屋企,就去睇醫生,問可唔可以介紹一個醫生俾我。如是者都醫咗一段時間,我記得都有好幾年,如果計正式好番。」

Sukie睇醫生醫咗幾年,加上自己嘅意志,打贏咗一仗。「我覺得呢段經歷話俾我聽,就係我更加明白自己想要啲乜嘢,有時我哋不停地想追夢,但當其時嘅我,我形容自己係喺天空漫無目的,想捕捉,但捉唔到,因為呢樣嘢太虛浮,我學識咗乜嘢叫腳踏實地。」

立即下載《壹週刊》Apps,隨時隨地睇盡時政專題、深度偵查、娛樂熱話!按此連結:http://bit.ly/next28app

採訪:肥A

攝錄:蕭敬漁、王志輝

Sukie服裝提供:COS
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 132,232 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,291 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 87,254 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,921 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,699 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 62,056 views