< 返回
  • 【554呎居屋設計】原則娘爆裝修衫褲周廳掛 變身型格偏廳玩埋空中瑜伽
  •   22,484 views │ 2017年11月09日
    留言()

 

不少人都想提升居住環境質素,但苦無對策,尤其是興趣多多,但家中未必要多餘的位置放置相關用品,惟有「亂擺」。從事建築的屋主黃生在將軍澳欣明苑居住多年,有感居住環境「麻麻哋」,衣服要「周屋掛」之餘,廁紙更因沒有空間放置要隨處放,於是決定找設計師Leo幫幫手。

戶主二人興趣多多,喜歡滑雪及鋼琴之餘,黃太更喜歡空中瑜伽,Leo就指:「因為屋主成日會招呼朋友嚟到屋企玩,所以就做咗張特長椅,嚟招呼佢哋啲朋友。而長椅底下就加裝射燈,因為想做了一個懸浮的設計 令視覺效果有懸浮的感覺。」而Leo更將其中一間房拆走,設計成一個偏廳,方便戶主放置鋼琴及電腦:「一打通之後就將客飯廳融為一體,希望做到空間上好闊,但喺視覺效果上都可以明確分辦到書房同客飯廳。」

而數到客廳最特別的地方,就是梳化旁特制了金屬支架,讓女戶主輕易就可以將瑜伽布墊掛在客廳中間,更可以360度伸展,黃太就指:「依個位係特別要求,搵咗設計師,特別整咗依個勾,因為我自己都成日做空中瑜伽,依家我平時喺屋企都可以做。」她指勾負重達數百磅,對這設置十分滿意。

至於「衫褲周廳掛」的問題,Leo堅持不放任何大櫃在客廳:「一間屋無咁多櫃,空間感會更加大,所以大部分儲物空間都喺地台,由主人房伸延到儲物房位置。」他解釋,以往不少地台都會設手抽,現時就流行無縫式:「以往做法走起上嚟都好容易會絆倒,或者藏污納垢,所以我哋嘅做法都係一啲密封設計,到時用一啲配件工具用嚟打開地台板。」

撰文:梁延宇

攝錄:關永浩

 

相關連結:

【埋單60萬最貴用喺邊?】縮細廁所變日式風呂 女戶主:鐘意坐住沖涼

http://bit.ly/2yFEwmf
熱門新聞
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 142,727 views
  • 【住豪宅劣質生活】呎價2萬5上層床下層客廳 住客:我都在死忍(足本版) 117,355 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 113,801 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 85,532 views
  • 【個仔似足老豆】李琳琳老來得子 70歲姜大衛細仔只得22歲(足本版) 74,880 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 70,572 views