< 返回
  • 【大阪直擊港人盲搶樓】遊日80後港女變日本樓天后:放盤一個鐘已經俾港人買咗!
  •   36,192 views │ 2017年12月16日
    留言()

 

香港樓價愈升愈有,年輕一代沒有「父幹」,想買樓難過登天!由於樓價不斷攀升,買港樓收租隨時變成「皮費重、回報低」,「好睇唔好食」!

從事保險行業,精通日語的八十後Kammy,兩年前決定在大阪投資第一個物業、並且大膽搞民宿。後來愈來愈多朋友向她查詢買日本樓事項,今年她決定「落重本」與當地房地產公司合作,「揀樓、買樓、管理民宿」一條龍,今年幫港人購入的單位有近五十個,其中十四個已做民宿。

Kammy教路,現時日本大阪房地產市場已很熾熱,年初至今有個別單位樓價已升逾百分之二十,其中以中央區升幅最大:「好多香港人買嚟做Airbnb。做民宿的話,穩定有八至十二厘回報,期望收六年租可以回本!」

由於需求急升,大阪樓市持續升溫,據當地傳媒報導,大阪連續四年為日本全國地價升幅最快地區,其中中央區道頓崛一地地價,同比升幅逾四成,十大升幅最多地區,大阪佔首五名。

Kammy原本在港已「打定輸數」放棄置業,但兩年前一次旅行重燃夢想。當時在大阪旅行的時候,她以七萬日圓(約五千元)租住民宿一星期:「1LDK,即係有一房一廳,大約三百五十呎左右,之後落去樓下地產鋪睇,月租係四千元左右,我覺得有租務市場!」

她回港後一個月,就立即捧錢返回當地「full pay」買第一個物業:「中間我做咗三個星期research,計埋所有稅項,睇啱覺得OK我就立即決定(購入),前後只係用咗一個鐘。」至於該單位現時已升值:「當時購入價係九百九十萬日圓(約六十八萬港元),依家上網睇,同一座大廈已升到一千二百五十萬日圓(約八十六萬港元)。」Kammy預期,扣除每年需繳付的固定資產稅及都市計劃稅(約為物業估值共百分之一點七),只要民宿生意持續理想,六年內就可以賺回樓價,即租金回報達十多厘。

當地的地產中介劉杉釤指,現時大阪樓市出現求大於供的狀態:「依家一有單位空置出來,就有人衝着去買,並且大都是港人。」但劉表示,當地人對港人「盲搶樓」不以為然:「大家市場唔同,當地人多數買近郊地區,或者係天王寺附近。佢哋都係一個好開放嘅心態,唔介意係本地人定係外國人嚟買。」

撰文:梁延宇

攝錄:林志謙 關永浩

相關連結:

【大阪直擊】港人擲二百萬置業裝修成「火烈鳥民宿」:用迷你兵團反而無咁好生意!

http://bit.ly/2ArVZeB

【天后醒水】一年購五十大阪物業 傳做民宿秘笈:做錯成個星期租唔到出去!

http://bit.ly/2yw3JdQ
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 141,180 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,682 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 91,972 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,924 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 62,086 views
  • 【起點係北京新移民】何艷娟英國大改造 升呢孖四太李雲迪歐遊(足本版) 57,953 views