< 返回
  • 「新潮州怒漢」詹劍崙力數證監三大不是:DQ準則欠透明度 連釋法空間都無!
  •   11,051 views │ 2017年12月16日
    留言()

 

詹劍崙(Ricky)為金融服務界爭取權益多年,作風甚有父親詹培忠「潮州怒漢」的影子;針對近期香港股壇的種種事端,他極具火氣地力數監管機構的三大不是,指受影響的最終會是小股民。

首項不是:「勒令上市公司進入除牌階段」缺量化及清晰標準

「佢哋好明顯係人治,即係以佢哋主觀判斷去監管,條例好多時都唔清晰。」Ricky指被放至除牌程序的公司,在事前均沒收到警告或提醒。「例如最近被DQ嘅公司,監管機構都無講到係幾多營業額、盈利先會被考慮除牌,而係忽然間殺埋身。」他反映業界非怕條例嚴厲,而是怕無所適從。更指現今監管機構應該要由保障公眾利益及小投資者的角度去處理事情,「我以前曾於一間我相信係全香港停牌紀錄最耐嘅公司工作,叫忠德石油。最係有白武士加入,監管機構都有為小股東的利益著想而批複牌,令公司股票無變廢紙。」他認為現時的監管機構行事欠透明度,連「釋法空間」也沒有。

二不是:「新股通」對已上市公司欠公允

香港交易所(388)於一六年時提出的「新股通」概念,指未來中港兩地的投資者可以互相申購對方的新股。針對此構想,Ricky認為:「我睇唔出點解新股要特別優惠,已上市嘅公司卻係選擇性進行滬港通及深港通。」並指新股質素難以確定,看不出此做法有足夠道理。

三不是:證監委派獨立執董進入已停牌公司是跳步

「委派獨立執董進入已停牌嘅公司,根本就係干涉公司事務。停咗牌唔等如已證實有問題。」他動火指此提議是不知所謂,指:「如果係申請清盤,咁就有臨時清盤人,呢類喺法律程序上係經常有,但現時喺未證實下就干涉公司內嘅業務,屬已跳步嘅做法。」

他形容現時整個市場只有大價股及藍籌股有炒賣氣氛,而過去兩年細公司的收購及合併項目比以往大大減少,令細價股欠投資氣氛。「係咪應該顧及多啲小公司,俾多啲企業融資動作,咁可以令資金由基層、底層去培活經濟。」

撰文:財經組
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 377,767 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 227,305 views
  • 【明星家恐怖印傭】紅布木劍暗落邪降16年 鄭敬基驚呼:好心寒(足本版) 188,759 views
  • 【信錯16年嘅印傭】鄭敬基俾家傭偷走珠寶財物: 揭穿時佢怒睥我老婆(足本版) 121,873 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 109,943 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 104,621 views