< 返回
  • 【生意●最平32蚊】米芝蓮名廚開平價麻辣火鍋 機械人送餐吸客月賺30萬
  •   18,828 views │ 2018年01月01日
    留言()

 

以往《壹盤生意》訪問過不少從事飲食業多年的老行尊,自立門戶創業做老闆。當中不少更是入行逾廿年的米芝蓮名廚,但大部分因敵不過貴租、請不到人,租約期都過不到就光榮結業。雖說「工字不出頭」,但做老闆又似乎是條不歸路。

現年四十多歲的黃富強(富哥),曾獲得米芝蓮一星榮譽,但心想「做廚最勁都只不過係行政主廚」,於是決定做老闆,在一次美國之旅,他探訪了認識多年、經營餐廳「煮道」的朋友,因經營不善導致生意慘淡。他靈機一觸,決定大搞一人一鍋,最後果然令餐廳起死回生,之後更順理成章入股餐廳。

富哥與拍檔在洛杉磯連開兩分店後,決定在香港「插旗」。但一開始已遇到困難:「美國市場同香港好唔同,美國食足幾十年都係漢堡包,但香港出名潮流去得快,加埋租貴同請人難,挑戰比美國大好多。」但諗頭多多的富哥,深明以往傳統經營模式已不合時宜,連番出招,竟可在兩年內連開兩間分店,現時上環及筲箕灣兩間鋪共月賺逾三十萬,生意秘訣,他說只有兩個字:「夠cheap!」

記者午膳時間來到上環的煮道總店,雖然位於舊式電腦城一樓,但見不少OL都主動摸上門用膳。未入到餐廳,已聞到濃濃的麻辣味,翻開餐牌,發現最平三十二元(免加一)有交易,最「頂級」的海鮮鍋都是賣六十八元,價格相當有競爭力。附近上班的Witti就指,差不多一星期就跟同事來一次:「都算平啦我覺得,之前試過鐵板,牛肉睇到很新鮮,質素比Pepper Lunch好。」但認為分量可以再多一些。

另外,為加強食客對餐廳的好感,在上環店更增設兩位機械人員工,富哥表示:「一個就做知客、一個做侍應,都係一個噱頭,因為香港區呢邊我哋係第一間有機械人,佢哋幫唔幫到手?其實無乜,自從有咗佢哋之後,生意好咗百分之廿五。」

「如果你俾我揀,會開阿一鮑魚定係大家樂,我一定會開大家樂,因為好簡單,一哥身家多定係大家樂身家多啲。」入行逾二十年的富哥,從事的「波士廳」在一四年獲米芝蓮一星級榮譽,但他並不因此而自滿,更坦言由總廚變成老闆,坦言自己實際收入下跌不少,更由中環走到平民區,但他毫不介意:「以老闆身份嚟計,其實只要將我嘅廚藝可以放喺出品上,就係我最大目的。」

在美國的旅程中,因為同行朋友細輝影響下,決定辭職經營餐廳,兩年間美國分店已上了軌道,打算回到香港發展,但在租貴、人工高等情況夾擊下,他又如何「見招拆招」?

撰文:梁延宇

攝錄:廖健昌

相關連結:

【生意●麻辣醬兩月賣斷市】嫌請人麻煩 名廚獻「共享廚房」妙計:餐廳依家唔使請廚師!

http://bit.ly/2BUeCZK

【生意●創業錦囊】同行創業多碰釘 米芝蓮名廚一語道破:唔肯放低身段!

http://bit.ly/2lpF8mz
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 382,903 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 257,272 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 120,251 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 113,031 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 71,530 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 70,405 views