< 返回
  • 【Startup●克服讀寫障礙】牛津博士生創提示燈及震動鞋墊 助柏金遜病人重新起步
  •   8,216 views │ 2018年01月22日
    留言()

 

「中學時睇過單新聞,係有關柬埔寨喺二次世界大戰時埋下好多地雷,當地人喺多年後要掘出地雷去換錢,因而唔小心被炸斷雙腳,所以想發明一啲穿戴式嘅產品幫人。」三十歲的英國牛津大學博士生禤彥勳(Denis)道出他的發明初衷。

曾經發明機械義肢的他一直希望鑽研與手腳相關的機械,於是在去年創立MedEXO Robotics,推出一款外形奪目、能減輕柏金遜病人手抖症狀的機械手套,受過廣泛的報導及討論。是次受訪,他出奇地把具話題性的機械手暫時放下,轉至分享一款體積細細的雷射燈,及其貌不揚的震動鞋墊,望以光線及震動提示協助有走路困難的柏金遜症病人。

「同病人接觸得多先知,受步態凍結(Freezing of Gait)而影響走路嘅病人原來仲多,問題更急切同嚴重。」Denis希望把有限資源分配得更好,以先解決病人的燃眉之急。是次請來香港柏金遜症會主席莊達成及其病友上場試用,由患者角度給予意見,讓產品能真正達到「以人為本」。

我點sell?

克服讀寫障礙 成牛津大學博士生

於中文大學物理系畢業、曾就讀英國倫敦帝國學院的研究院,現時為英國牛津大學的生物醫學工程博士生的Denis,單是學歷已令人眼前一亮;但他直言自己並非「學霸」,小時候更有過讀寫障礙。「細個B同D會掉轉,睇書唔可以集中睇一段字,一定要用手掩蓋文章其他部分先讀到入腦,當年中大見我喺科技發明比賽攞到好多獎,所以俾咗個special offer我,成績達標就可入讀。」迷失於書中的Denis逐一以發明證明自己,後來更考到了獎學金到英國繼續升學。

以兩萬元起家 曾氣餒流下男兒淚

Denis的辦公室內除了有硬件startup必備的3D打印機,更設有衣車一台。「當初係一個自學車衫,想研究點樣縫製隻手套先最好。」外表成熟的他留有羊咩鬚,但說話不時流露出「大男孩」的活潑氣息,跟全男班的同事有講有笑。「而加有實習生幫手先咁熱鬧,其實有好長時間都係一位個人撐住所有野。」曾有合伙人跟他同心同念,可惜生活卻未能同步;積蓄多用於讀書等洗費、只用兩萬元成立公司的Denis根本難以留人。「我同佢兩個男人喺Starbucks講到喊,佢要儲錢結婚同買樓,但我真係無咁嘅能力以高薪請佢。」曾感到唏噓的他幸好愈走愈順,入主了科學園,也曾贏得過十萬元獎金。「起碼夠錢做到產品雛型,現時震動鞋墊有各個壓力分佈點,除左會發出好似脈搏一下一下嘅震動外,未來希望可以記錄埋病友腳部嘅支點力度,以作醫療研究。」產品計劃在今年五月出貨,震動鞋墊定價約一至二千元,提示燈因原理較簡單,售價為一千元內。

撰文:黃綺敏

攝影:廖健昌

相關連結:

【Startup●病人實測】用家大讚提示燈 專家:產品愈輕巧愈好

http://bit.ly/2EXAxA9

【Startup●創業貼士】別被電影定形 要落地了解病者最急切需要

http://bit.ly/2mWmWTb
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,762 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 123,061 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,387 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,713 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,438 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,809 views