< 返回
  • 【前民協主席過檔民主黨】莫嘉嫻轉區九龍東:當自己係新人
  •   11,381 views │ 2018年02月06日
    留言()

 

依家已轉投民主黨的莫嘉嫻,喺主席胡志偉位於黃大仙嘅地區辦事處做事,轉到新區重新開始,佢話因為繼續留喺九龍西工作難以擺脫民協影子,「希望將以前的事抹掉,重新開始。」由一黨主席轉投另一政黨,莫嘉嫻強調會當自己是一個新人,「在胡志偉的辦事處幫手,慢慢、慢慢與街坊熟絡,對於我來講是由頭嚟過,當自己新人咁打。」,「所以嚟緊都有好多當自己新人去做的方法,包括多啲宣傳、在地區上做更多議題去爭取曝光。」

兩黨做事手法又有甚麼分別?莫嘉嫻就話同樣喺地區打拼,現在感受到較多教育市民、團隊合作,有別於過往單打獨鬥:「初頭以為民主黨重理念,但志偉團隊感覺比民協做地區更地區。」,「佢哋會教育市民大眾多啲,唔係嗰一個、兩個街坊去充權,而係教育市民去做好民主工作。」她亦會在這方面比過往做得更多:「點解蛇齋餅糭可以入侵到,就係因為冇咗嗰種教育,點抗衡呢啲,我地可能冇教育到街坊,到個浪冚埋嚟,我哋就無咗角色。」

莫嘉嫻喺加入民主黨之前,大部分時間都為民協服務,即使淡出地區工作前線的時候,仍然為民協做受薪員工,唯一做過的其他工作,就要數到廿多年仍讀緊大學時,幫某富貴政黨女候選人做選舉義工:「第二日就選舉,點算後發現爭一個音響,當時大約十點幾十一點(晚上),候選人的先生說:你唔理用咩嘢方法都要搵個音響出來。」,「嗰刻俾我好大嘅感覺有錢唔係大晒,你要做到先得,嗰刻開始認清我唔係所有政黨都啱(適合)。」到底最終有沒有買到該套音響?莫嘉嫻就話實在找不到,但沒有被責怪「第二日都打仗啦!佢可能都唔知那音響有冇出現。」

撰文:忻肇康

攝錄:海江田

相關連結:

【前民協主席過檔民主黨】退出因不滿馮檢基戰初選 莫嘉嫻:應退居幕後

http://bit.ly/2GNqorJ
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,762 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 123,061 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,387 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,713 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,438 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,809 views