< 返回
  • 【前民協主席過檔民主黨】退出因不滿馮檢基戰初選 莫嘉嫻:應退居幕後
  •   10,230 views │ 2018年02月06日
    留言()

 

立法會補選三月十一日先正式投票,贏家還未分曉,但最大嘅輸家就睇怕非民協莫屬。皆因馮檢基堅持參加民主派初選,唔單止俾網民笑佢「永續參選」、「政壇關愛座」,黨內唔少成員都唔賣帳退黨,當中就包括前任主席莫嘉嫻。

莫嘉嫻一九九六年大學畢業後已為民協工作,做過四屆區議員,又曾經同阿基拍檔參選過立法會,講到呢位昔日其中一位「恩師」,佢話阿基對事情可以非常執着堅持:「無論喺咩環境,人地點話佢,都會有一份堅持,呢份堅持其實我哋有時我哋都好佩服」,自己亦需要學習呢份精神:「從政如果無呢份堅持,會好容易失去自己嘅目標。」

正正因為阿基做事往往堅持到底,所以莫嘉嫻對佢最終唔做Plan B都覺得愕然:「既然堅持咁耐,何不堅持到底?但最後還是欣賞佢做咗呢個決定」,「仲短訊佢叫佢加油。」而隨着姚松炎成功入閘冇被DQ,Plan B之爭變成茶杯裏的風波,莫嘉嫻認為依家民主派要團結一致認清對手「不應再分Plan ABC。」她相信民協經過今次風波已上了一課「知道市民想點,也希望他們諗得到。」至於阿基往後喺民協應該轉換新角色:「應該退居幕後扶植新人。」

姚松炎係立法會九龍西選區補選候選人,其他候選人仲有民建聯鄭泳舜同埋蔡東洲。

撰文:忻肇康

攝錄:海江田

相關連結:

【前民協主席過檔民主黨】莫嘉嫻轉區九龍東:當自己係新人

http://bit.ly/2nHqnN6
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,762 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 123,061 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,387 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,713 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,438 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,809 views