< 返回
  • 【毛記上市】阿姆斯特丹大客仔縮千三萬廣告 毛記收入插水
  •   11,688 views │ 2018年03月23日
    留言()

 

毛記葵涌(1716)成功申請上市後,迅速成為城中追捧新股,最後超額認購超過6000倍,超越Magnum(2080)的3,558倍,晉身新股「超購王」第一位。不過對比業績截至去年十一月的招股書,毛記稅前利潤八個月大跌84.21%。

截至去年三月,提供毛記1,863萬生意的最大客戶,是總部位於阿姆斯特丹的廣告代理,之後的八個月只提供了566萬生意給毛記。另一廣告代理,毛記原第二大客戶,給予毛記廣告收入同樣大縮水,由604萬下跌至248萬。

以「變態福利」聞名的廣告公司The Bees 創辦人曾錦強分析毛記目前正在轉型,「毛記早期生意好多都來自廣告公司,因為佢早期業務都是多元媒介多啲,所以廣告公司投放同合作會多啲,但因為佢轉型做廣告公司,所以直接接客嘅機會,大過同廣告公司合作。」他續指全港有1560間廣告公司,所以香港是一個很分散的市場,競爭很大,而且自去年開始,數碼媒體已佔整個廣告行業近一半,增長自然慢下來。

曾錦強不想評論行家的生意好壞,但指絕大部分廣告公司都會直接和客戶交易,總有些廣告公司收入上升,有些下跌,他相信和本身實力的關係大些。另外他說廣告公司與客戶的合作長遠,「廣告商在市場處於被動,唔會主動發掘新客戶,好多時候係客戶主動接觸廣告商。但關係通常較長遠,唔會合作一兩次就完結,如果效果理想通常能夠維持關係。大部份的客戶都會持續登廣告,例如銀行咁,地產商就睇有無新盤推出,有樓盤推就會登廣告。大部份客戶唔會經常轉廣告公司,例如我哋公司嘅客戶,有七八成好固定,每年轉換率可能一至兩成。」

撰文:陳世鍾

攝錄:財經組

相關連結:

【毛記上市】100毛廣告好少睇 忠實fans:無新鮮感

http://bit.ly/2GbgimS

熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,527 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 83,178 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,718 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,221 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,775 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 58,233 views