< 返回
  • 【三角底褲出事】留英港生人際關係 : 可能換條底褲就融入咗!
  •   11,643 views │ 2018年04月02日
    留言()

 

英識教育創辦人陳思銘(Samuel)五年來,接觸過幾千名家長、學生,外表上是升學顧問,但同時是家事調解員、愛情分析師、社工︰「其實幫到好叻嘅學生,去到英國變得更叻,唔係令我最開心。幫到臨近放棄的學生,去到英國有重生的機會,令我更開心。」有一對父子令他印象最深刻︰「入到來, 一個爸爸同個仔喺我面前打架,阿爸話,你個衰仔,點解唔讀書,被人踢出校;個仔又打爸爸,話爸爸唔了解佢。」兒子當年十八歲,仍在香港讀中四,被爸爸強迫到升學中心。他把兩父子分開,再分別跟他們了解情況︰「青少年有自己朋友、想法,好難改變,佢又唔了解英國讀書係咩,我同佢講返第一、二、三年情況會點,又播片俾佢睇。最重要係尊重佢。最後我幫他揀咗讀語言班,再讀pre-foundation ,基本上係唯一出路。我最開心係,幾年後他入咗UCL(University College London,2018英國大學排名第七), UCL唔係重點,我好多學生叻過佢,但他起步比人低,重點是親子關係都好好。佢爸爸同佢再來時,已經好開心,你見到佢哋笑容係唔一樣。」

別以為將學生送到英國就完結,Samuel和同事到每年九月、十月,手機就會響不停,「成晚唔使瞓」︰「我和同事都相對年輕,好多學生可能本身無哥哥、姐姐喺英國讀書,就會有咩問題都問我,例如拍拖問題︰『鍾意咗隔離個女仔,點算好?』我會留自己whatsapp,同時要求同事都要,所以公司會送佢哋一部電話。依加啲學生喺英國有問題都唔會email,一定whatsapp你。」

他留意到香港留學生最介意是人際關係︰「好多都想逃避,例如我跟邊個唔啱,就想走。佢哋行緊嘅路,我都行過。我以前都係咁, 我初初去到,點解被人欺負?因為我喺香港著嘅底褲係三角褲,點知外國人係著boxer。好簡單,我只係換咗條底褲,佢哋已經覺得唔同,覺得已經融入佢哋。衣著好簡單,例如父母成日叫你著羽絨 ,其實英國人唔著羽絨,係著長褸。你想融入,可能唔好全身貼滿暖包,少少雨都撐傘,英國日日都落雨。又可以從興趣入手,英國人鍾意講足球,不如你都可以睇吓波,其實都幾好睇。」

 

撰文︰黃嘉慧

攝錄︰林金展

 

相關新聞︰

【考慮上市】靚仔碩士教升學年賺800萬 妙計吸200英校合作

https://bit.ly/2GqzHB6
不少學生到英國讀書後,仍然跟Samuel保持聯絡。
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 206,444 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 162,413 views
  • 【個仔似足老豆】李琳琳老來得子 70歲姜大衛細仔只得22歲(足本版) 78,980 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,125 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 64,928 views
  • 【大陸生果扮日本】小心大陸老翻日本生果 果欄檔教一個字分真假 (足本版) 55,578 views