< 返回
  • 【搵銀秘笈公開】揀舖要電流穩定 如有煤氣就更值錢
  •   4,954 views │ 2018年04月29日
    留言()

 

人條命,要睇金、木、水、火、土。舖嘅運,要睇風、火、水、電、煤。上集講左頭三個,仲有兩個你就明晒啦。

(4)電,就係指電流(Ampere)、電壓(Volt)乘起來就等於電功率(Watt),即係電量。好似條水喉咁,水管的粗幼就是電流,即係幾多Ampere安培。水管嘅水壓就係電壓,即係指幾多Volt伏特。目前香港單相電就係220Volt.三相電就係380Volt.好多舊樓嘅地舖都只得單相電及Ampere唔夠。電唔夠,好多行業(例如餐廳、涷肉、髮廊、電器舖)都做唔好。

假設你間舖得單相60Amp電,每一個雞蛋仔機就用1400watt電,以單相電嘅電壓220volt計,即係用咗約6個AMP電。五部雞蛋仔機已經去咗30個Amp,一半嘅電。

之後每一匹冷氣機就用你5個Amp電,每個熱水煲就用你10個Amp電,煮食焗爐又另外用你10個Amp,招牌、電燈另外5個AMP。加下加下,已經用盡你間舖60Amp電。再加就跳掣啦!

但如果你間舖係三相電,同樣嘅Amp數運算就大約係單相電嘅三倍電量,電流仲穩定啲。各行各業都做得,所以如果電唔夠,你又能夠成功加到,間鋪就值錢好多。

5.煤,就梗係煤氣啦。唔係所有嘅鋪頭都有煤氣到㗎。煤氣嘅覆蓋率在香港只係有86%。好多舊式嘅大廈都無煤氣供應。如果你間舖煤氣唔到,其實你可以稍為喺間舖外面行個圈,見下路上面搵唔搵到個寫住“煤氣GAS”嘅蓋,你就大概知道附近有冇煤氣供應。搵唔到嘅,代表附近冇煤氣喉,你就可能加唔到煤氣啦。

煤氣點解重要?因為如果你間舖想開間中式食肆,鑊氣梗係好重要啦。火加熱又快啲及鑊氣重啲,電往往係代替唔到㗎。

「風火水電煤」當然間舖最好所有嘢以上都通曬啦。但係如果我一定要揀,我覺得最重要係水。因為舖頭如果冇來去水,今時今日在網購威脅底下,商舖較難做濕貨或者服務性行業。無水,間鋪價值分分鐘要打個七折。第二,有足夠嘅電都好重要,適合各行業。電唔夠?打個八折。第三,走火,只要唔係樓底低於兩米,一般只要你肯錢通常都搞得惦。其次,無煤氣唔係致命傷,通風就加部冷氣機、排氣、鮮風機就乜都搞掂曬。所以按重要性,應該係讀做「水、電、火、煤、風」。

撰文:李根興

相關連結:

【搵銀秘笈公開】開鋪儲齊五元素 風火水電煤

https://bit.ly/2HvRYcK
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,735 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 122,842 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,343 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,696 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,369 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,685 views