< 返回
  • 【畢打街閒人】這些年,做buyside的人(渾水)
  •   5,048 views │ 2018年05月03日
    留言()

 

CUHK secret常常有一些貼文,講現在這一代的大學生很現實,要搵錢,立志入投資銀行之類。拜金是價值觀問題,我自己都滿身銅臭,無乜資格批評人,沒有誰比誰更高尚。我比較有興趣的,是「投資銀行」這個字。

投資銀行的世界都分很多dimension,大致上分sell side和buy side。做投行,年薪過百萬是基本數字,即使光環褪色,但依然前途無可限量。上星期我帶了一位做U記frontline、月薪六位數、23歲中大小鮮肉師弟去跟班富二代、金融友打poker,結果被姐姐們盯上了,淪陷了,「送羊入婦口」。技術上,這位師弟做的是sell side,但他也開始覺得做sell side枯燥乏味,開始想加入family office,做一點項目創投之類的工作,從另一個dimension搵大錢,參與股權融資,甚至不介意自減人工。

我自己畢業後第一份工作是在投資銀行做buy side對沖基金,現在的工作模式則有點像sell side,近年又好像有點做回buy side的傾向,相熟朋友呢排都比較多這類查詢,找我幫手,所以我都要回憶一下buy side的工作。

以前同人講做IBD,真係好鬼威風;但論賺錢能力,現在好像做基金越來越睇齊,而且地球上開始講「work life balance」之類的屁話,做buy side真係越來越有引入入勝之處。當然,賺錢、勞力和付出等是很視乎公司啊、職位啦。

以前常常聽到話做投行做到通宵達旦,做爆肝,不過四年前的工作回憶卻不是這回事。那時做對沖基金經理、分析員同事可以七點收工走人,甚至六點可能收工去happy hour。所謂的分析睇法,都係參考sell side reports就算數。

我另一位好朋友,27歲年輕基金經理Henry Wan更炒股炒到上雜誌封面,如無記錯,今年第一季有3成回報。3成回報已經跑贏大多數benchmark了,換言之,佢未來三季唔返工唔做野,老闆都吹佢唔脹。所以,有時同佢交流市況的午飯時間,食長少少都無所謂,佢跑到KPI嘛。

在buyside做創投食住要等,部分基金做價值投資也是食住等,即時好像Henry這類玩Event-driven的基金經理,本質上都係食住等,那麼自然有條件搞work life balance。

市場上有一類基金是專做「對賭」,即係入股某上市公司,然後換取一個put option。詳細操作有機會再講。總之,我想講這個基金經理,因為負責吸上市公司血,平時好得閒,不是去banker’s club hea就是去了做gym。這簡直是寫意人生。
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 126,999 views
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 121,513 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 80,879 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,835 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,470 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 61,738 views