< 返回
  • 【wONdEr|一田一姐】強而不悍 感謝老公:佢會一句激嬲我
  •   643 views │ 2018年05月11日
    留言()

 

「你問(女)強人不強人,睇你點定義,我都有躲於一角喊嘅時候。」今年四十七歲的一田百貨行政總裁黃思麗(Susanna)已為人母,其除了要看緊百貨業務,更要兼顧新地(0016)非地產業務組合部策劃及營運總監的工作,公務繁多,壓力非少。「激心時會喊,最容易令我喊當然係屋企事,或係有啲事好緊張,認為自己可以做得更好,但結果卻唔係自己所想。」對自己要求高是好事,但Susanna指處理期望落差更是難事,而助自己一把的,則是說話同樣直接的丈夫:「佢會一句激嬲我,話我知:『係,你有以下幾個問題!』」在他們的相處中,明顯地無「國王的新衣」之這回事。

丈夫是照妖鏡

做事向來「快、狠、準」的Susanna為人雖「chur」,但並不專橫,一凹一凸亦沒出現於其夫妻相處之道中,相反,同樣直腸直肚的丈夫出奇地能讓她認清方向。「接受完第一次錄影訪問時,我已經覺得自己做得唔太好,原先以為佢會美言幾句氹番我,點知佢竟然一氣呵成地指出我有咩問題,令我立即想流眼淚。」丈夫指她說話太快,另寫出了她有那些字是咬得不正、有懶音,不留情地逐項說明。Susanna笑稱身邊人是高手,亦是照妖鏡,也是她的心靈雞湯。「佢最後會提醒我唔好將自己推得太盡,下次小心啲做好啲就得。」

家有家規

工作忙碌不等如可把照顧家庭假手於人,特別是在教導子女一事上,育有一子一女的Susanna更是絕不放手。「我係一名虎媽,我認為仔女開心係重要,但我開心可以同其他事共存,好多野只係需要trade off,唔係話想佢哋開心就咩都俾。」大仔現年十六歲,已是青少年,但仍會乖乖遵循家規,例如不能把電話及電腦拿進房使用,Susanna解釋:「我哋喺廳設立咗個工作位置俾佢哋,因為電腦有好多引誘,睇新聞都知有唔少不恰當使用電腦嘅情況出現,所以我認為係有需要教佢哋明辨是非。」原則和彈性並非對立,家規也有例外之時。「好多時佢哋有原因地申請我都會批准(佢哋係房用電腦),但唔講就一定唔俾。」坦言相對,也是Susanna希望能達到的事。

人生如雙打

Susanna丈夫經營自己生意,工作相對上沒那麼困身,提及身邊人的種種付出,她也不禁流露出柔情一面。「我好好彩,丈夫投入家庭嘅時間,都比一般生意人及一般爸爸多,工作係忙,但我得到好多屋企人嘅支持。」視巡鋪為樂趣的Susanna亦有其「師奶」一面,指最愛邊買餸邊留意客人,也會特意因為某鋪入了新貨而前往購買。她指與丈夫有分工也有互補,就如進行雙打比賽一樣。「我同丈夫唔會長期黑白面,而我雖然嚴,但都會喺仔女做完運動時幫佢哋按摩,傾下學校發生咩事咁。」

黃思麗個人檔案

歲數:47歲

學歷:畢業於香港中文大學工商管理學院,期後於法國巴黎高等商學院(HEC) 考獲碩士及歐洲工商管理學院 (INSEAD) 考獲工商管理碩士榮銜。

工作經驗:曾擔任過食品市場推廣及零售和消費品市場顧問,2014年加入新地(0016)任職非地產業務的策劃及營運總監,2016年起成為一田百貨行政總裁。



採訪:黃綺敏

拍攝:于港民

立即按此連結下載《壹週刊》APP:http://bit.ly/next28app
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,020 views
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 122,612 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 81,601 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,836 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,489 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 61,765 views