< 返回
  • 【200萬天價租舖】揭開藥房吸金秘技 賣一粒藥賺你幾多錢?
  •   21,581 views │ 2018年06月02日
    留言()

 

最近睇新聞,藥房不斷搶佔核心區嘅舖,打低曬啲鐘錶珠寶化妝零售業咁,就好似我後面這間旺角奶路臣街同埋通菜街交界的舖, 就被龍豐藥房以月租超過200萬天價承租,建築面積6700呎,是藥房有史以來的租值新高!咁其實藥房係點賺錢嘅呢?

(1) 首先要搞清楚是藥房、藥行、 藥粧、藥店、藥業、定藥坊。前兩者,藥房同藥行,都要向藥劑業及毒藥管理局註冊及受到衛生署監管。只有它們才可以賣一些註明毒藥的藥。 其他藥都只是需要一個商業登記,與個豬肉檔沒太大分別,都只是能夠賣一般的藥物及中成藥。要成為藥房,你就要有多加一個註冊藥劑師,在三分二時間駐場監督藥物的銷售。

(2) 了解清楚你的客戶群是「消費客」,還是「搵錢客」。「消費客」是買來自己用或送給他人。做街坊生意的,就應該進駐住宅附近的店舖。做自由行生意的就當然進駐核心區或者近景點、酒店的地方。「搵錢客」,即係水貨客,佢買來係為咗搵食。佢哋一般對價格比較敏感,你貨種要夠齊,近佢過關上落車嘅地方,例如上水、屯門、元朗等。

(3) 賣唔同貨品嘅利錢都好唔同。門口呢啲知名家用品牌最無錢賺。因為呢啲最容易格價,有時為咗吸客,蝕本都要做, 拉勻利潤率只得0-5%。

但只要你吸咗佢入嚟,得到佢哋嘅信任,就可以開始sell佢一啲不知名嘅品牌。 話使乜嘥曬啲錢喺啲廣告費到啦,呢隻乜嘢護膚品、家居用品效能仲勁,又平又靚, sell 到你的話,利錢就高好多啦,有平均100-200%。

知名嘅藥物品牌又係冇錢賺㗎喎, 因為價錢太公開啦,佢只係平均賺你0-10%。可能你成日去藥房嘅時候都聽到幸福傷風素有咩好呀,畀個幸運傷風素你仲勁呀!止鼻水之餘仲可以消炎醒神㖭。你願意買呢啲影射品牌嘅藥品呢,利錢就高好多啦,100%-300%啦。有啲藥房有自家品牌嘅藥品的話, 賣得成,利潤率都起碼有200%。

配藥係最好搵。利潤率有時可以高達300-500%。一粒成本幾毫子嘅藥,可能買畀你幾蚊。 因此係人都知醫務所賺你最多嘅唔係診金,而係啲藥呀。 你一般都唔講價,同根本唔知價。 所以點解藥房有個註冊藥劑師咁值錢,人工起碼四五萬。

大家都是搵食啫,做藥房都係辛苦錢,你要畀人賺。拉番勻,藥房每賣100蚊貨就大約賺25蚊。減埋人工、舖租就大約賺五至十蚊啦。粗略地講,如果租金每月係十萬蚊,每日做五萬蚊生意額,就叫做有錢賺。咁生意要做幾多,先畀得起我後面呢間龍豐藥房以207萬租咗嘅舖?你識計數㗎喇?

撰文:李根興
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,510 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,092 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,307 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,560 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,417 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 48,708 views