< 返回
  • 【嫌紅酒商老土賣酒】 IT男辭七萬工搞紅酒apps 靠「故事」賣酒 :我已經兩年無糧出 (足本版)
  •   12,326 views │ 2018年07月04日
    留言()

 

「其實我哋都幾冒險,我哋其實一有呢個想法,就即刻辭職,即刻開始。」辭職後Tomy立刻和拍檔Lok埋手建立「MyiCellar」,「我發覺香港好多酒商都用一啲好傳統嘅方法賣酒,主要都係email,剩係得酒名、價錢,對學酒其實冇咩幫助。我本身都係IT 背景,我覺得有啲嘢可以喺IT上解決呢個問題,所以我哋就寫咗個app,除咗俾人買到酒之餘,我哋亦會提供唔同酒嘅資訊,好似酒莊嘅故事,或者味道嘅profile。」

為了這盤生意,原本任職於金融科技公司的Tomy,辭去月薪接近七萬元的工作,建立手機應用程式,為港人搜羅在香港買到的靚酒,配以酒莊和葡萄酒的資訊。

除了方便消費者,這個平台亦頗受本地葡萄酒進口商歡迎。Tomy解釋:「其實好多唔同嘅進口商,規模細好多,未必有咁多人手去寫呢啲內容。佢其實每日去賣俾餐廳、賣俾酒店,已經用咗佢哋大部份時間,所以佢哋冇乜資源去照顧零售市場。」但是他認為許多中小型進口商的產品亦值得推介,為了方便進口商,暫時顧客落單買酒,整個物流過程也是由MyiCellar負責,客人買滿500元就可以免費送貨。Tomy期望當訂單愈來愈多,物流成本會降低,平台的盈利亦因而上升。

不過開發程式至今,Tomy已兩年多沒有支薪,但他仍明言不曾後悔,「我覺得nothing to lose,如果真係唔得,其實我哋呢一兩年都累積咗好多人脈、好多技術,我哋仲可以做到好多唔同嘅嘢,最壞情況去打返工,其實都唔會話好難搵工。」

採訪:劉卓瑩

攝影:鄭樹清
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 235,566 views
  • 蔣雅文遠走台灣做基層 捱到永久失眠|斷捨離香港 101,792 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 89,477 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 74,114 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 61,730 views
  • 【最惡頂奶奶實錄】疑神疑鬼新抱偷食 新抱:著乜衫都話我少布(足本版) 50,788 views