< 返回
  • 【愈來愈猖狂】搶經紀客 新世界派茶葉 優先揀單位 施永青:佣個個都想慳
  •   253 views │ 2018年08月03日
    留言()

 

足本版精彩內容,請點擊以下網址:https://bit.ly/2OERHbg

一手樓經紀在僧多粥少下,他們在樓盤現場打交的新聞屢見不鮮。然而,近日發展商更加入戰團搶客。有關恒基兆業地產有限公司涉嫌「偷步賣樓」,中原地產創辦人施永青聽聞後指不相信香港發展商會做出違法行為,「我就未見過香港發展商偷consent(偷步)去賣樓嘅,佢做咩要搏危險野?有咩好搏? 」但他承認市場成交量下降,會影響發展商賣樓策略,發展商想慳佣是人之常情:「發展商幾時都唔想俾佣啦,可以唔俾就唔俾啦,你都唔鐘意俾佣啦。」

施永青亦坦言一手樓市明顯受貿易戰影響,「一定有唔同形勢變化緊嘅時候,大家都想睇定啲先,交投量七月份減少近半咁濟。」被問到預計市埸會如何適應「娥六招」,他指同期推出現樓及樓花會分散買家力度,預期發展商會暫停樓花開盤,主力推貨尾。「近兩個月已經呢種現象出現,發展商拎返啲陳年舊貨好耐賣唔出嗰啲咪賣左先。」

據爆料者稱翰林峰樓盤佣金高達3.5%,以其中一個涉事單位第3座17樓C室計算,根據2018年7月27日發出之價單,單位原本售價為$6,244,000,代理經紀可收佣金接近22萬元,但最後恒地以發展商直接銷售優惠價$5,931,800賣出單位,比經代理銷售慳近10萬元,是次涉事四個單位,恒地總共可慳約40萬。而經紀則失去共約80多萬的佣金。

雖說40萬元對恒地只是小數目,但現時未有法例管制的「嘅牙膏」式賣樓法,小數怕長計。爆料經紀「大吐苦水」說:「依家發展商成日用奸招吸我地客,可能今次只係小試牛刀,睇下work唔work。」

除了恒基,經紀指新世界也出招,旗下位於北角的柏蔚山推出獨家「S組」,加入後可以優先揀單位,「以前係發展商職員或者會員先可以入S組,但係發展商宜家請Part time 係售樓處派茶葉,直接「拍客」(即本來已向某代理入飛,但被發展商抽去),我地有口難言架。客人入得飛都係想買,優先揀樓梗係過檔啦」。他再說,「假如係行家之間「拍客」,就會俾人取消資格,但發展商自己「拍」就無事囉。」

撰文:黎諾瑤

相關連結:

【恒基偷步賣樓疑雲】新盤劈價潮 翰林峰罕有清貨 經紀質疑:恒基偷步賣樓(足本版)https://bit.ly/2vw9Uzk

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 270,766 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,022 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 114,548 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 76,103 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,147 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 65,398 views