< 返回
  • 港男北上搞電子支付|「錢方」創辦人:港人到國內工作沒核心優勢
  •   5,541 views │ 2018年08月09日
    留言()

 

「好多年前我試過喺香港創業,去時代廣場同舊同學聚會,夜晚食一餐飯唔貴,人均消費大概百幾二百蚊。其實無人睇唔起你,但我發現自己俾唔起。」在港搞初創企業雖不至受人白眼,但深感難以應付生活的80後港人李英豪(Tim),七年後的今天可謂衣錦榮歸。其帶著2011年於北京創立的移動支付平台「錢方好近」回港。公司除了是第一批跟微信支付及支付寶合作的企業外,更將申請成為香港首批虛擬銀行,讓FinTech真正落地。

中學就讀聖保羅男女中學,大學修讀中大信息工程學的Tim,以數白欖形式唸出舊同學們的職業:「醫生、律師、會計師、測量師及工程師等等,全部都係收入非常高嘅人,亦係較受人崇尚嘅行業。」同是名校出身的他卻從小有個創業夢;對比60、70年代的人做廠起家,其認為這時代應做科技,並先後到過恒生銀行及國際商業機器(IBM)打工取經。「我去IBM到做就係想學習,了解佢哋如何經營100年仍然屹立不倒。」於IBM擔任咨詢顧問的他,於2009年時受公司委託赴京工作,這一去間接造就了「錢方」的誕生。

中港大不同

「北京嘅科技世界,互聯網初創嘅氛圍就好似個魔法世界,喺咁嘅環境之下我決定創業。」Tim手舞足蹈地憶述往事:「當時香港係首批由Nokia電話轉用Iphone嘅人,喺內地人眼中,我哋就好似外星人咁,佢哋個陣都未見過智能電話。」其曾開發手機應該程式,雖未能發圍,但他認為在北京創業,一切也來得較有身份及價值。「街頭賣藝都有個身份,但當年喺香港搞科技創業會被視為中小企,未有startup呢個術語。」他認為在此環境下,再搏盡也得不到人珍惜;相反在北京營運或加入初創公司則是正常不過,前景也十分之好。「好多讀完清華大學、北京大學嘅人都會想入互聯網公司,而北京嘅中關村科技園區,每個星期至少有一個有關科技嘅活動,隨時上網都可以搵到人見面交流。」

Tim在多番嘗試後,於2011年創立「錢方」,經營電子付費及流動付費業務;由原先只有兩至三名員工,發展至業務覆蓋全球300多個城市,更獲得紅杉資本(Sequoia)及經緯中國(Matrix)的注資,成立至今已獲5億人民幣投資。「我哋嘅技術能夠接駁銀聯,又可以連接硬件,對比單係一個程式,咁樣嘅入行門檻係相對地高。」另會為客戶分析大數據提供營銷方案的「錢方」,成功在國內站穩陣腳,再逐步發展至亞洲各個地方。 

不進則退 港人失勢

港人北上,由當初被冠上光環;到被後來居上,Tim認為源於港人渴望改變的意欲逐漸減退。「香港嚟嚟去去都係得一個優勢,就係站於中國同世界嘅交匯處。」做人總不能永遠食老本,一地之發展也應如是,「以前人人話香港嘅嘢係最佳典範,但移動支付,就係全世界參考中國,香港發展仍然好緩慢。」其指80年代後出生的港人,生活各方面已有大大改善;正因比以往過得安逸,整體發展不進則退,「內地人咁厲害,係因為佢哋80後細個喺農村時食唔飽。因而有好大決心想自己父母或下一代過啲好日子。」

縱使公司及家庭也立足於北京,Tim仍如是說:「講真,生係香港人,死係香港鬼,香港依然係我屋企。」但其心中的家卻有著強差人意的居住環境,再也留不住他居住於此。「香港無論喺醫療、飲食及娛樂都有好好嘅生活條件;唯獨居住環境,我真係唔明係咩嘅一回事。」現以11,000元人民幣,於北京租住一千呎單位的Tim直指最後悔的是沒及早於當地做業主:「其實個單位我住咗五年,個陣樓價係400萬,依家已經升至1400萬。」他輕聲嘆道升幅雖大,但總沒香港那麼誇張;樓價之高,大概是本港仍然能持續「領先」的地方。

採訪:黃綺敏

拍攝:梁正平
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 133,482 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,350 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 87,936 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,929 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,728 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 62,105 views