< 返回
  • 時代沒落? 港鐵站擬明年拆除收費電話
  •   1,003 views │ 2015年12月28日
    留言()

 

依家嘅智能電話咁「食電」,出出吓街手提電話無電嗰陣,想打俾人真係靠晒啲入銀仔嘅收費電話「救命」;而港鐵站內就最方便。不過今日(12月28日)工黨社區幹事趙恩來喺Facebook上載一張喺港鐵站內影到嘅相,發現港鐵站內收費電話旁邊有告示指,因為港鐵同提供電話服務供應商嘅合約屆滿在即,站內電話將會逐步拆除。

趙恩來形容係「一個時代終結」;港鐵發言人回覆傳媒證實,同承辦商信京電訊嘅合約本月底屆滿,站內收費電話服務將停止,承辦商料明年首季將全數移走87個站共390部收費電話。另外又指,信京電訊約滿後無意再供站內電話設備及服務;港鐵亦向其他承辦商招收意向書,但目前仍未有承辦商表示有意接手。現時為港鐵站提供收費電話服務嘅係信京電訊,根據信京電訊有限公司網頁資料,公司自1997年成立,2004年在九廣鐵路(現稱港鐵東鐵線)全線提供收費電話服務,2009完成港鐵全線安裝收費電話。

信京電訊有限公司公司指,其總部設於香港,另外喺新加坡、台灣及澳洲設有分公司,又指自己係本港最大嘅私人收費電話營辦商,收費電話遍佈本港各商鋪、商場、學校及酒店等地。

有網友認為,港鐵站內收費電話其實仲有價值,唔單止港人、遊客同樣需要。依家人人一機在手,流動電話服務大勢所趨。除咗港鐵站,現時全港有超過1630個電話亭,但比2000年約1920個,都減少1成半。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views