< 返回
  • 林鄭踩5D海豚被炮轟 畫家:原意講保育
  •   26,735 views │ 2016年01月11日
    留言()

 

政務司司長林鄭月娥,週日在大埔出席活動,與一幅中華白海豚5D 地畫合照,政府新聞網在Facebook上載相片之後引發公關災難,網民批評林鄭無出力保育,有人留言炮轟:「中華白海豚俾你哋啲工程搞死晒啦,仲好意思攞佢哋做宣傳?」、「咪就係表達俾你哋班港豬聽,踩死啲海豚。」

創作這幅畫作的,是四個女大學生Terena、Denise、Sandy、KK,她們組成「Omni Art」組合,以往都有參與政府、商界、藝術界結合的社群藝術「美善之都」計劃,曾在荃灣、油麻地、銅鑼灣等社區畫樓梯。2016年剛開始,Omni Art 原意是希望「畫出正能量」,在單車友絕對不會陌生的大埔水陸墟,首畫全港最巨型的5D中華白海豚地畫,結果……多得林鄭變成全城焦點。

Omni Art所畫的每一幅樓梯畫均有寓意,今次巨型5D地畫也不例外,「寓意好多海洋生物好像似被人類困住咗,但智商好高嘅海豚會衝破困難,破咗魚缸,衝出海洋,游嚟巨型地畫同其他海豚一齊玩,而中華白海豚喺我哋香港水域出沒,數量已經好少,所以我哋就用海豚做主角,帶出保育、珍惜海洋嘅訊息。」Omni Art 市場總監Edmund補充,除了想巨型地畫成為香港記錄,還想將水陸墟變成大埔的景點之一。對於網民炮轟林鄭做騷,他有感5D地畫被政治化,表示心痛,認為埋沒了一班藝術家想藉藝術美化社區及幫香港人打氣的原意。但網民的心聲,又是否毫無道理?

究竟這地畫有多巨大、如何5D呢?有份參與的藝術家Joe指,地畫闊七十呎、長一百呎,即面積達七千平方呎,「3D 就是一個立體空間;4D是三角形空間之外再加一啲元素,即係人人都可以參與,呢幅地畫同周遭環境吻合;5D就係寫咗個App,一個Animation,身處其中將畫對住手機,會有動畫彈出來。」市民身處現場,會有指示如何使用手機App觀看動畫。

四女生之一Denise,介紹5D地畫可以讓遊人拍出玩味十足的照片,「有三個影相位:第一個喺木橋上,可以踩單車行木橋,就好似真的係置身於其中;第二個影相位喺海豚上,可以將單車放喺兩條海豚嘅咀上面,就會頂著單車;第三個影相位就係鐵皮屋,佢係衝破玻璃嘅海豚,大家都可以影得靚靚。」

撰文:陳雅欣

攝錄:胡智堅
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 228,380 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 167,636 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 85,104 views
  • 【個仔似足老豆】李琳琳老來得子 70歲姜大衛細仔只得22歲(足本版) 80,753 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 48,607 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 42,823 views