< 返回
  • 80後棄百萬年薪搞搵樓App 真係咁易?
  •   15,745 views │ 2016年02月08日
    留言()

 

年輕人總愛講理想,這裡就有個八十後,放棄年薪過百萬的測量師工作,與朋友搞地產交易app。原因就只是覺得,現時的地產交易訊息唔夠透明?

梁顯政炮製的搵樓易(One House),將業主、買家和地產經紀配對,目標是捐窿捐罅、盡擸全港九新界放盤。本刊今次找來在互聯網創業經驗豐富的CatalystBuilder聯合創辦人鄭思行品評。

他認為這個app要視乎中小企的地產代理反應,短期阻力甚大,「大型地產代理未必加入,就算中小型我都有一個問號!」

 

我點sell

我係Chester(梁顯政),之前做過十幾年的測量師,在香港大學畢業後一直在地產行業工作,熟悉地產現況。我試過買樓、賣樓、出租,覺得成個行業的資訊唔夠透明,有好多可以改善的地方,所以就同拍檔Leo(朱偉榮),一齊搞呢個網上地產平台。佢之前喺銀行做過IT,經驗豐富。當初放棄年薪過百萬的測量師工作都有擔心過,但我覺得呢個idea可行,可以改善地產交易唔透明的現象,所以決定一試。

簡單來講,用家搵盤時,可在app內按地區及校網,輔以價錢、面積、睡房數目等搜查。我哋收到資料,會通知相關經紀,由佢哋競價(佣金),買家再揀出啱心水嘅經紀;業主亦然。對中小型經紀來說,佢哋可跨越所屬區份,俾多啲人認識,擴大客路。長遠呢個app就好似俾地產經紀嘅Uber。

搵樓易營運了四個多月,現時有二百多個放盤,大約一千個中小型地產代理和個體戶使用,的確唔算多,但用戶幾個月增長了四至五倍。直至目前為止,我們促成了幾百宗推介(cost per action),七成是將買家或者租客推介給代理,餘下三成是將業主推介給代理。我們計劃在今年中開始收費,每單費用幾百元左右。呢個app有天使投資者投資七位數字,亦有地產商投資,依家仲同地產商討論緊網上賣一手樓。我們本着全城代理(Uber for agent)的概念,希望可以做到買家、業主、代理三贏的局面啦。

 

撰文:蔡璿驩 攝影:鄭樹清 攝錄:廖健昌
搵樓易設有地圖搵樓和校網搵樓的功能,用家可以透過手機應用程式,查看附近的租、放盤,還可設定樓價、面積,及睡房數目等。
熱門新聞
  • 【左手盾牌右手牛肉刀】自稱勝和喝全場冷靜 山林道古惑仔見人就打(足本版) 105,863 views
  • 【入行後秘撈髮型屋幫補】李佳芯喪做賺800萬脫貧 捱到身心爆煲要唞半年(足本版) 55,291 views
  • 【借錢黨唔還錢】好心港女借出50蚊 無恥內地女唔還兼搶人手機(足本版) 51,535 views
  • 【離婚斷水曾手緊】失視后陳煒買樓撻訂蝕二百幾萬 儲四年首期再入市:冇諗過要男人啲錢(足本版) 50,600 views
  • 【港女偏門工】19歲女愛做女僕服侍宅男 港女讀完設計賣性玩具(足本版) 49,503 views
  • 【經典寸爆〡大帥哥親去朝聖】九記牛腩出名寸 老闆與大陸食客對打被捕 43,258 views