< 返回
  • 專家點評搵樓App 收錢可行性存疑
  •   7,344 views │ 2016年02月08日
    留言()

 

O:搵樓易One House 鄭:鄭思行

鄭:你覺得你的營商概念,受唔受中小型地產代理歡迎? 對他們而言,你們的介入其實是多了一重競爭。

O:其實不少中小企的地產代理都掙扎求存,從數字上看,全香港三萬七千個地產從業員,有一萬個左右屬於四大公司,有二萬多個是其他中小企或個體戶,惟市場份額是四大公司佔七、八成,故二萬多個從業員要爭餘下兩成的生意。他們之間都諗緊方法去擴大自己的網絡。我們的概念是幫中小企和個體戶去增加客源,雖然佣金水平可能較低,但成交量增加,令他們的營業額增加。我們online帶個買家或賣家俾佢哋,佢哋再offline搵另一方作為配對,他們聽到都覺得吸引。

鄭:如果我係地產代理,短時間內你可能幫緊佢,長時間嚟講,你可能打擊緊佢哋,因為搵樓易做大後,任何一個人考咗地產代理牌,都可以在搵樓易做代理。你長遠目的係咪想咁樣?

O:我們長遠目的是想幫每一個地產代理,在我們的平台度自己搵生意。

鄭:你的概念是Uber model for agent,地產代理只需使用app搵客,都未必需要地產代理公司?地產代理公司又會唔會接受呢?

O:從我聽返嚟嘅意見睇就唔會。佢哋的想法好簡單直接,就是:我現在面對的困局是客源細,只服務一小撮客戶和社區,到底我可以點樣開拓客源,令唔係呢個社區的業主都同我放盤?

鄭:但中小型地產代理做街坊生意為主,可能得一兩個員工,老闆就係員工,員工就係老闆,佢嘅能力可能淨係做到街坊生意。你依家同佢講拓展生意,但會唔會資源上,專注做番區域生意,先係中小型地產代理優勢?

O:他們向我反映的意見和感覺是,他們最大的競爭者是大公司,他們要避開大公司的地盤,所以要搵位自己走。無論係做舊區、單幢樓、工商廈、豪宅,佢哋都想踩入去大樓盤,無奈大樓盤附近鋪租貴,或者唔容許佢哋去租,呢個餅佢都想同人哋大公司爭,但點都唔夠爭。

鄭:我用過搵樓易,試過唔login,就可以睇到地產代理名、公司和手提電話。咁咪好容易bypass? 你會點樣收費保障自己?

O:如果我是用家,我不需要付費,直接利用搵樓易去聯絡代理,唔會花時間去google資訊。因為用家無成本,他們不需要理會地產代理到底要俾幾多錢搵樓易,而我亦相信用家絕對不會為了幫代理慳錢而做多咁多嘢。至於收費模式方面,對於業主,我們按推介收費,對於賣家而言,我們按pay per enquiry 收費,當他們用熱線電話和message時,我們就會向代理收費。

鄭:坊間有不少同類型的地產網站或地產交易平台,你們同其他平台比較,優勢又會是什麼?

O:坊間的平台主要利用分類廣告形式,他們不理會背後是否有盤,只要代理肯落廣告便可,但我們database的設計,背後有一個真實的放盤存在。加上,坊間平台賣用戶流量,但我們倒轉,我們鼓勵用家唔需要成日返嚟睇,只需要設定搵樓條件,當有合適的樓盤就會通知你。

 

撰文:蔡璿驩 攝影:鄭樹清 攝錄:廖健昌
林澤斌(左)主要客戶以油麻地附近的租盤為主,他表示即使搵樓易推介一個跨區盤給他,他亦甚少為了一個盤而長途跋涉去帶客睇樓。
熱門新聞
  • 【左手盾牌右手牛肉刀】自稱勝和喝全場冷靜 山林道古惑仔見人就打(足本版) 105,863 views
  • 【入行後秘撈髮型屋幫補】李佳芯喪做賺800萬脫貧 捱到身心爆煲要唞半年(足本版) 55,291 views
  • 【借錢黨唔還錢】好心港女借出50蚊 無恥內地女唔還兼搶人手機(足本版) 51,535 views
  • 【離婚斷水曾手緊】失視后陳煒買樓撻訂蝕二百幾萬 儲四年首期再入市:冇諗過要男人啲錢(足本版) 50,600 views
  • 【港女偏門工】19歲女愛做女僕服侍宅男 港女讀完設計賣性玩具(足本版) 49,503 views
  • 【經典寸爆〡大帥哥親去朝聖】九記牛腩出名寸 老闆與大陸食客對打被捕 43,258 views