< 返回
  • 旺角衝突現場 毒男對住警察入錢扭蛋
  •   125,951 views │ 2016年02月11日
    留言()

 

猴年大年初一(2月8日)晚上到初二凌晨嘅旺角警民衝突,令唔少港人仍然沈浸喺一個唔開心嘅氛圍當中;喺旺角發生猶如「巷戰」嘅場面,對香港人嚟講已經夠詭異,但《壹》仔覺得更加詭異嘅,可能係呢一幕。

喺初二凌晨4點幾,旺角嘅示威者當時同警方仍然喺度對峙緊,警方架起盾牌、組成人鏈,喺山東街同西洋菜街交界同示威者各據一方。喺呢個時候,一個男仔,唔知係咪示威者,但佢就喺示威者嘅陣營度出現;不過佢唔係喺度準備掟磚頭或放火,而係喺一部扭蛋機面,蹲低喺度扭蛋!

喺警方同示威者劍拔弩張之際,一男子竟然仲有閒情喺度扭蛋,呢個咁詭異嘅場面,當然逃唔過網民嘅鏡頭,即時影咗幾張相並且po上facebook;幾張相今日(2月11日)開始喺唔少fb群組瘋傳,唔少網民留言,「都話左(咗)香港人有分寸,唔會趁火打劫,有入錢嫁(架),暴徒係會扑L爆佢」、「扭蛋與高牆,佢揀左(咗)扭蛋,會唔會比(俾)人告暴動」、「這位勇者應該是扭蛋前線的成員,佢係黎(嚟)拯救這粒受魚蛋連累的扭蛋」、「香港人真係,咁大件事都竟然用畀錢手段抽蛋!好似上次,執錢都排隊」、「呢位勇者真係毒到入心」、「男人的浪漫……扭蛋慢慢玩」。

圖片來源:網民facebook
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views