< 返回
  • 悲!輸清仲要行去碼頭 澳門賭場冇免費巴士坐
  •   101,038 views │ 2016年04月11日
    留言()

 

生意淡薄,冇人賭博,澳門玩完?澳門幾大賭場牌照即將在2022前後到期,並於今年進行中期檢討是否收回賭牌,結果未出前,賭業更現蕭條,連一向免費穿梭巴士也不再免費。

去開澳門玩,係人都知澳門的士難截,一出碼頭,自動波都會揀賭場嘅穿梭巴士,梗係啦,貪穿梭巴士免費,班次又密又有冷氣又有wifi喎,一出碼頭就有各大賭場巴士任你選擇,仲方便過截的士呀!不過隨住澳門博彩業收益連續跌22個月,唔止貴賓廳現執笠潮,而家大型賭場都要「縮皮」減省開支,唔少賭場包括葡京、永利都冇咗回程免費穿梭巴士,一定要消費先有得坐,最新係美高梅上月一號開始加入,坐回程穿梭巴士要出示巴士券喎,職員講明若果你想坐穿梭巴士,一係要做會員,一係在賭場內用膳或消費,美高梅先至肯派巴士券,即係唔係「冇差別」係人都可以坐,要肯駛錢先俾你坐,哇,孤寒得你呀。

《壹》仔見到一個排隊去港澳碼頭嘅香港師奶好唔順氣,佢口咬住一塊芋頭批,同《壹》仔呻:「我都唔知道新措施,剛才攞船飛,先知要攞巴士券,我咪要入去玩,玩夠先領取到巴士券咋。」其實唔止美高梅,連葡京﹑永利呢兩個大賭場也取消免費回程穿梭巴士,賭場為咗慳皮,近年都停止派發免費飲品,要賭客埋枱賭先至會派支水,或者俾杯奶茶你飲,真係慳到盡呀,一分錢都同你度過。

撰文:陳慧瑩
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views