< 返回
  • 譚仔風暴升級》三哥分店越開越埋 五弟:他爭得好緊要
  •   24,871 views │ 2016年06月24日
    留言()

 

本刊早前報導,深得「廢青」網民喜愛的兩間譚仔米線,本是同根生的譚氏兄弟鬥得難分難解。

譚仔激戰相關連結 :

三哥六弟首談家族奮鬥史 絕口不提五弟四妹

http://bit.ly/1taDqr4

七億生意vs三億物業 三哥五弟大鬥「發」

http://bit.ly/1rdNyht

新年都唔見 兄弟分家鬥搞原創小食

http://bit.ly/24B07R5

揀三哥定撐五弟? 食客:邊間近食邊

http://bit.ly/1RXCUBa

譚仔雲南米線東主、五弟譚澤均,接受本刊訪問時說:「分家之初,我印卡片連佢哋六間都印埋。揀鋪我亦刻意避開三哥的分店,以為大家有默契,各有各自己做。」但他不滿三哥一方,近年在長沙灣青山道和藍田的五弟鋪旁邊開分店:「鋪頭愈開愈埋,有一間係隔籬鋪,另一間隔一個鋪位。」

五弟認為:「並唔係佢訪問中所講『唔爭』,係爭得好緊要。」三哥聲言日賣五萬碗米線,以此估算年度銷售高逾七億元。手握三億元物業的五弟則指,他去年營業額「僅僅唔夠七億」,但強調會努力發圍,今年除了加開分店,更將啟用一個六萬呎新廠房,點都唔認輸。

加入譚仔

五弟爆料故事,由譚仔一九九六年在深水埗永隆街開業說起。當時五弟仍未加入,他表示,最初的股東共有五人,包括:三哥、六弟譚澤强、以妻子名義持股的姐夫周志明、六弟的兩位同學。「九九年,細佬(六弟)跟兩個同學因為錢銀問題相處得唔好,三哥、六弟、姐夫三人建議另起爐灶,叫我加入,一齊用三哥乳名,在元朗康樂路開『蟲哥米線』,但生意慘淡,三個月就結業,每人損失十幾萬元。」結業後,三哥、六弟、姐夫重返譚仔,五弟繼續從事原本的藥房工作。

回巢後,二千年六弟和兩個同學關係惡化,這一次輪到同學離開譚仔,在外另開米線鋪。五弟說,此時三人再叫他加入,並讓他用廿多萬元入股一成。當時在藥房賣藥、月入只有一萬多元的五弟,只能分期付款。同年譚仔決定擴充,以五十二萬元頂埋鄰鋪來做,五弟卻無力夾錢,「我喺蟲哥米線輸咗十幾萬,基本上已經冇錢。」三哥於是加按自己一個單位,幫五弟暫時支付頂手費。五弟為盡快還錢,將深圳的一幢樓賤價出售:「起咗六十萬,但就只賣得三十三萬人民幣。」大約一年多之後,五弟將入股費和頂手費連利息還清。

三哥曾說過,當日邀請五弟入股:「係想幫人,五弟經濟拮据,佢有老婆仔女,又搵唔到食……好啦,埋嚟啦。」五弟認為,當時三哥找他入蟲哥米線,主要是想找投資者,但他對三哥後來在經濟上的幫忙都十分感激:「我唔會隱瞞,幫過就幫過,恩情就係恩情。」

譚仔擴充後,旁邊的新鋪叫「湘蜀風」,同屬四人,加入多款外省小食,五弟記得:「當時成功吸引蔡瀾入嚟試,佢喺專欄寫完真係火紅。」客人日日排隊,他們做到下午四、五點都冇機會食午飯,傳媒訪問接踵而來,兄弟終於賺得第一桶金。

○三年,四人註冊成立「同心飲食有限公司」準備開分店,名字由譚父所改,寓意兄弟同心為譚仔大展拳腳,四人各佔公司百分之廿五股份。直到○八年分家前,十二間分店都由四人共同持有。

撰文:關冠麒

攝影、攝錄:胡智堅、葉漢華、李育明

 
譚仔首間永隆街店,分家前已遷往青山道金球閣,分家後歸五弟管理(右)。三哥在一○年買入同大廈另一鋪位,在一四年開始經營分店(左),兩鋪只相隔數米。
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views