< 返回
  • 【民間電車館】山頂舖今結業 館主斥港府寧搞故宮不建電車館
  •   21,121 views │ 2017年02月18日
    留言()

 

相關連結:

【民間電車館】舒緩情緒的良藥 80後港男撐電車少污染夠時髦

http://bit.ly/2lU2eV1

在香港,人人爭分奪秒;馬路的正中央,有百多年歷史的雙層電車徐徐而行,見證了香港的高低跌宕。八十後電車狂迷李俊龍,四年前獲山頂廣場邀請,在商場內搞全港唯一兼民資的「香港電車文化館」;不過,早前他不獲續租而被逼遷,電車館將於今日(2月18日)結業。

「自細已經好鍾意電車,我會去圖書館搵電車書睇。雖然電車已經有百幾年歷史,但竟然一本專門嘅電車書都無。惟有喺唔同嘅香港歷史書度,左搵右搵,土炮一個屬於香港嘅電車史。呢個香港,連一本書都容不下,仲點敢奢望有電車博物館。我已經冇再諗政府會為它做啲乜,你睇到依家政府政策係點,做嘅保育又去到邊?唉,大家心中有數啦。」

「向來搞香港歷史、文化保育嘅嘢,多數係有心人自資、不問回報付出。幾年前,我喺山頂搞過展覽和攤檔,一三年尾發展商用一個比市值租金平嘅價錢,邀請我入鋪搞電車館。我正職係喺一間公司做人力資源工作,但有機會推廣,辛苦啲都唔緊要,展覽館兼賣電車精品,我又向電車公司借用珍藏。為慳錢,我仲請媽媽幫忙睇鋪,生意只係收支平衡。」

「幾年前,前政府規劃師薛國強話行路快過搭電車,向城規會建議拆走中環段,仲話用懷舊為由反對取消電車係抱殘守缺,我認真睇過份文件,發覺數據少,多數都係佢個人意見。不過依家個世界咁怪,凡事都有可能發生,政府隨時可能會取締電車,惟有自己盡力去宣傳多啲,做得幾多得幾多。」

「依家山頂廣場唔再和我續租,我喺出面好難再搵地方經營,香港容得下一個同香港完全冇密切關係嘅『西九故宮』,都容不下一個有本土特色嘅博物館。」

撰文:黎雅婷

攝錄:葉漢華
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,100 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,309 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,237 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,841 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,305 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,412 views