< 返回
  • 【要仔讀國際學校】黃翊爆妻患產後抑鬱要父兼母職 復出唱歌全為兒子
  •   47,975 views │ 2017年05月28日
    留言()

 

黃翊在電視節目一鳴驚人後,連帶他位於大埔大排檔生意直線上升,更有網上留意指「為咗聽佢把聲專登叫外賣」。黃翊表示,到節目直播時手機Whatsapp不斷,「都未試過同一時間有二百幾條message」,記者採訪期間,更有不少途人「眼望望」:「係唔係上電視嗰個?」

以往都有不少電視台監制找他出鏡,但他都一一拒絕,直到今次復出,就是為了兒子看見自己另一面:「我的兒子由出世開始,我已經開大排檔,到依家佢差唔多十二歲,基本上經常喺大排檔走嚟走去,佢又唔太接觸香港樂壇,基本上唔知我唱過歌!」

他就指,自己退出樂壇後,曾到跳蚤市集擺攤檔賣T恤,之後輾轉到大埔開大排檔,到兒子出世時,妻子不幸患上產後抑鬱:「囝囝當時喺美國出世,因為我太太拎嘅係美國的護照。到番嚟香港時,發現太太有少少產後抑鬱。就係因為依個病,食西藥太多,影響咗身體,要長時間去調理,到依家都仲調理緊。」

除了要照顧患病妻子外,他更因香港教育制度,決定讓兒子讀國際學校:「我睇家姐個女讀國際學校 見到佢哋讀書係好輕鬆,反觀本地學校,經常都十幾樣功課,每一日放學返屋企,食少少嘢沖涼,就喺書檯讀書做功課溫習。我覺得如果小朋友咁樣會好辛苦,我唔想小朋友係咁。」

妻子患病對整個家庭都打來打擊,加上要供兒子讀國際學校,但黃翊就沒有考慮復出:「唔係話我無錢,就復出登台,都要有人搵我先可以 反而係諗有無咩方法可以令自己生意做得更加好,例如推出更加多唔同菜式,做出更加多好品質,令生意好啲。」

他就指,他們兩夫婦都對小朋友一樣,「無話邊個做好人衰人」:「我們是由小朋友自由發展,通常見到小朋友離軌道遠咗,我哋先會同佢解釋;有一邊父母教緊小朋友時,另一邊都唔會出聲。因為依家管教小朋友要有傾有講,好似朋友一樣,當然朋友得嚟都要尊重。」

現時大排檔只做晚市,與兒子每天只有很短時間相處:「因為我收工時佢已經瞓咗,通常我見佢都係得一個鐘,其實每次我見到佢叫聲Daddy,之後埋嚟攬吓我,我已經好滿足、好開心。」

撰文:梁延宇

攝影:梁正平

相關連結:

【月租十三萬】黃翊傳經營街市大排檔秘笈 有幾樣嘢一定要留意

http://bit.ly/2rJAaGs

_____________________

《壹週刊》周日娛頭 :

【半百男星發圍】黎耀祥廖啟智艾威 二打六變男一

http://bit.ly/2s1u01C
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 156,139 views
  • 【黑幫14K操控】一條街十幾個妓女 元朗企街狼招拉客極擾民(足本版) 149,568 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 123,258 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,852 views
  • 【鬧市下體現形】同林峯翻撻無望 千語BB暴瘦變紙板人 (足本版) 81,400 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 74,422 views