< 返回
  • 劉德華自爆學唔掂潮州話 甄子丹拒絕再演戾氣反派
  •   29,867 views │ 2017年09月29日
    留言()

 

劉德華、甄子丹兩大影壇一哥首次攜手合作《追龍》。雖然機會難得,但丹爺就話跛豪呢個角色太難做,仲表示日後唔想再演呢類角色添。難到點?難到就連劉華都話自己拍唔嚟,好佩服丹爺演得到。咁究竟係咩考起咗「宇宙最強」甄子丹呢?就係潮州話。

甄子丹:「真係好難。」

劉德華:「所以咪我點解配服佢囉,當年其實雷洛都應該講潮州話,講俾大家聽因為我練唔到呀!」

甄子丹:「真係好難,比我想像中難。」

邊啲潮州話最難講?甄子丹:「好多,比如『兄』嗰個字。我講咗幾百次喇,但我潮州老師都走埋嚟話我講得唔啱。」

雖然難學,但戲中見丹爺都講都唔錯吖,所以呢個都唔係佢唔想再演呢類角色嘅原因。

甄子丹:「即係我長話短說啦,其實我呢幾年唔知係咪愈來愈年紀大啦,或是係family man啦,觀念愈來愈重啦,我希望拍返啲開心呀、正能量、勵志嘢。呢一套令我太沉重,嗰種精神壓力帶返屋企嗰份氣場,我唔鍾意嗰份氣場。我唔想將嗰份戾氣帶返屋企,所以我唔希望再演呢啲咁重殺氣嘅角色。」

咁不如下次開續集,同劉華調轉角色,佢做跛豪,丹爺做雷洛啦。

劉德華:「晶哥真係問過我呀!係呀,佢話再拍多次囉。我話你係咪認真?

甄子丹:「阿劉生嗰個(雷洛)係經典嚟架喇,即係我無謂掂。」  

劉德華:「佢未演之前我都仲諗下(演跛豪),佢演咗我唔諗喇。」

熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 258,452 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 120,518 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 113,396 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 71,954 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 70,600 views
  • 【兩歲細女爭寵贏阿哥】放假變湊仔公 陳豪偏心錫晒小公主 (足本版) 63,204 views