< 返回
  • 【離婚分身家】汪子琦苛索2.4億 富婆Laura:一蚊都唔會俾佢
  •   68,070 views │ 2017年12月07日
    留言()

 

13年因為馬賽橫手介入,令11年在美國註冊的汪子琦與富婆Laura,同性婚姻破裂。汪子琦多年來苦求復合,Laura覺得難修舊好,亦仁至義盡,一直在經濟上支持對方,甚至揼水給她開拍首次執導的電影《愛在星空下》。

今年4月,Laura不想拖拉,終於著手辦離婚手續,但此時汪子琦卻證實患腸病,想去美國求醫。Laura念在夫妻一場,將其中一個美國物業,免費給她住。諗住好來好散,Laura話:「辦手續時應承咗俾一百萬(美金)佢,但後來俾我知道一啲嘢。」

原來準備簽文件,汪子琦那一百萬美金就到手時,她心急現形,被Laura發現她一直邊食女邊求復合,甚至在美國醫病都一直有女陪。再一次被騙,她覺得汪子琦唔值得一分一毫贍養費。被踢爆,汪子琦即刻變臉。「佢向我開價,一陣開一千萬(美金),一陣開三千萬(美金),我繼續一蚊都唔會俾佢,最多打官司。」Laura說。聽到汪子琦要求三千萬美金,即大約二億四千萬港元,Laura坦言:「開始時覺得心寒,但諗深一層覺得佢黐線,佢憑咩分我身家。我唔知係咪有人教佢,還是佢覺得有資格,但我覺得佢冇資格,咩叫分身家,佢依家叫攞身家,分係一齊搵番黎就叫分,但呢啲錢全部係我,佢憑咩分。」

諗返汪子琦一方面求復合,一方面又在外有女友。「明明可以明交,做乜暗交,我有權懷疑佢係有啲plan,冇人鍾意俾人呃,捉姦在床佢都話打緊啤牌啦!」她說。

相關新聞:

汪子琦誓要爭取應得個份 Laura:俾間屋佢住仲叫絕情!

http://bit.ly/2AuuwMw

Laura出身香港富豪家族 汪子琦曾稱心有所屬

http://bit.ly/2BAFkFZ

Laura賣上海物業賺八千萬 掃過億磚頭收租

http://bit.ly/2BKcxQh
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 193,244 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 158,970 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 114,845 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,242 views
  • 【個仔似足老豆】李琳琳老來得子 70歲姜大衛細仔只得22歲(足本版) 77,903 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,360 views