< 返回
  • 【愈著愈貴】冇為馬明放棄森林 黃心穎借薛世恆生日P釣金龜
  •   33,028 views │ 2017年12月20日
    留言()

 

16年,心穎BB雖然已經同馬國明拍緊拖,但就俾壹仔影過佢去咗薛世恆生日P,仲主動出撃釣金龜牌添!15年主動埋偶像馬國明身嘅心穎BB,夠晒熱情,好快就將馬明得到手,段地下情仲愈來愈浮面。

馬明份人悶兼唔願使錢喺女朋友身上,所以,心穎BB一直都冇為咗佢呢棵樹而放棄森林。好似16年,薛世恆生日吹雞開P,心穎BB都有去玩,仲好開心咁睇金龜,睇中咗一個內地開製衣廠中佬,兩個仲交換埋電話,有冇下文,就得佢自己先知喇!

不過,入行5年嘅佢,電力好勁,同佢合作過嘅對手都會有緋聞!14年,李思捷拍劇集《以和為貴》撻著,仲俾人影到佢坐李思捷架七人車返男方屋企過夜。同吳啟華拍《再戰明天》時,又傳佢介入咗吳啟華同石洋子婚姻,搞到對方離婚。15年同王浩信去無錫、上海拍《東坡家事》一個月外景,又俾人話佢姣電王浩信,激嬲咗人哋老婆陳自瑤。

究竟有幾多單係真?冇人知,得心穎BB知,不過,有單嘢就一定係堅嘅!就係心穎BB愈著愈富貴!以前嘅佢只係會著sponsor嘅嘢,又或者運動牌子casual wear!今年開始,發現佢開始愛上名牌,Gucci T閒閒地4千幾蚊一件,識買就好似佢咁,黑、白兩款買晒。Chanel外套,3萬6一件,都係黑、白兩款買晒。巴黎世家外套都2萬幾。以前孭千幾蚊嘅平手袋,而家?3萬嘅Chanel、7萬幾嘅Hermes啦!頂cap帽都要2千幾嘅巴黎世家,升晒呢!就連銀器都要買日本銀器藝術家菊池健嘅經典,心穎BB,乜你發咗達咩?

 

相關新聞:

【富二代硬撬】黃心穎急掟馬國明 分手收場

http://bit.ly/2oH8bGY

【家姐落閘】反對心穎嫁馬明 黃心美:腦囟生埋先計畫結婚

http://bit.ly/2kLlEIJ

【默認無見】避談與心穎分手 馬國明死撐:了解中

http://bit.ly/2kOpv7I
熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 263,601 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 121,741 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 115,080 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 74,216 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 71,360 views
  • 【兩歲細女爭寵贏阿哥】放假變湊仔公 陳豪偏心錫晒小公主 (足本版) 63,588 views