< 返回
  • 【谷收視】陳敏之俾大婆胡琳質蛋糕 夏雨再向唐文龍潑奶茶
  •   33,784 views │ 2018年01月06日
    留言()

 

《溏心風暴3》得番10集就大結局,可惜套劇由開播至今都劣評如潮,收視一直插水,成套劇唯一得陳敏之,唐文龍同胡琳嗰段三個不倫戀叫做有啲睇頭,所以今日《溏心3》宣傳,都要將陳敏之,唐文龍同胡琳做宣傳重點,佢哋要喺記者會上重演劇中經典場面。

陳敏之就最慘,佢係劇中又要濕身又要剝衫拍床戲,仲要俾李司橫大巴大巴咁摑,不過被摑呢一幕都算被摑得值得,有唔少迴響,今所以活動上都要司橫姐摑多佢一次,但係司橫姐錫住敏之冇真摑,只係掂下塊面。不過臨時加插嘅一幕,大婆胡琳要用蛋糕質落敏之面上,就冇得交行貨,敏之即場變成污糟貓,難得敏之肯配合唔介意。

至於唐文龍都唔好受,佢俾夏雨用奶茶兜面潑一幕,睇同大家拍爛手掌,記者會上當然重演啦,夏雨向來認真,所以佢打真軍用奶茶堅潑落唐文龍面上,真係搞到水花四淺,唐文龍當堂濕晒,為咗谷宣傳去得咁盡,果然夠專業。
熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 268,418 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 122,674 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 116,689 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 105,754 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 75,684 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 71,945 views