< 返回
  • 【泛民初選●九西篇】自命中場送進攻機會 馮檢基:健康政壇應老中青都有
  •   6,644 views │ 2018年01月11日
    留言()

 

馮檢基在多個初選論壇都自稱「中場」,於記者面前也強調自己和民協負責組織工作,瞻前顧後,「我哋輸送一啲機會俾打前鋒嘅去攻人哋,當人哋攻嘅時候,守住個龍門,確保人哋攻我哋唔入。」

他表示,很多民主派資深議員已不在立法會,「其實我覺得一個健康嘅政壇,就係老中青都有。」資深議員較熟書,容易看穿政策的魔鬼細節。如去年的《施政報告》,外界集中討論交通津貼,但馮檢基指真正問題在於置業主導政策。「我聽完《施政報告》,第一時間就講:林鄭大右轉 樣樣都賣賣賣賣賣,完全係傾向發展商發展,多過市民住嘅問題。」如他成功重返議會,而一地兩檢本地立法草案已提交立法會,又如何應對?他只道:「到時再同其他民主派議員一齊傾。」

或許問題不在年齡。一○年馮檢基還在立法會,代表民協支持政改方案,使他和民主黨受千夫所指,五年後另一次政改博弈,他被點名為轉軚高危分子。不信任的種子早已埋下,「中場說」又如何取信於市民?他說事件已成歷史,「除非佢認識嘅唔係事實,咁我就覺得要解釋、澄清,但如果佢認識嘅係事實,佢接受你就接受你,唔接受你就唔接受你。」

有初選 好過冇

馮檢基稱今次初選勝負是次要,有助民主派團結,意義更大。「肯坐埋一齊本身已經係一個團結,而又傾到一個機制,搵到一個人去選,贏到,去參與補選,係第二步嘅團結層次。」他以前未跟姚松炎碰面,也未詳細了解對方想法,但經初選連番較量,加深互相認識,亦方便選後合作。

訪問當日,社區網絡聯盟發言人劉頴匡宣布,有意繞過初選,直接出選新東。「佢又話得到青政支持,依家佢出嚟,所以任何一個區都可以有咁嘅情況。」直至上星期,沙田區議員陳國強亦有意直接參加新東補選,「維園阿哥」任亮憲也表示考慮參與港島區補選。不過馮檢基堅持,辦了初選,好過不辦,「如果你唔做嘅話,永遠每一次立法會選舉,都N個團體走出嚟,惡性競爭,仲大件事!」

撰文:鄭語霆

攝影:李育明、胡智堅

相關連結:

【泛民初選●九西篇】爭出選冇得讓 馮檢基籲後輩學方世玉

http://bit.ly/2FoEC1h

【泛民初選●新東篇】強調屬君子之爭 范國威寸爆張秀賢

http://bit.ly/2zJTSSy

【泛民初選●新東篇】民主抗爭要隊形 范國威隻字不提鄭家富

http://bit.ly/2zLTR06

【泛民初選●新東篇】郭永健批范國威:佢講嘅嘢同2016年冇分別

http://bit.ly/2CmYnFy

【泛民初選●新東篇】一早參與本土戰 郭永健呃like有底線

http://bit.ly/2lp1KDB

【泛民初選●新東篇】稱與郭永健有共同對手 張秀賢斥范國威:十八年嚟做過乜?

http://bit.ly/2CeRZ5u

【泛民初選●新東篇】立會議席過半靠搶商界票 張秀賢倡完善經濟政策

http://bit.ly/2zHyD3z
被問到如本土派選民不支持民主派初選當選者該怎辦,馮檢基表示,只能盡量說服更多人認同、參與初選機制,「如果樣樣都可以保證,乜都係ABC,A一定去B,B一定去C嘅話,你咩都唔使做,求神拜佛搞掂。」
熱門新聞
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 275,431 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,574 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 120,652 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 76,900 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,567 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 66,823 views