< 返回
  • 【豪語錄】大娛樂家 林作: 表演唔係靠讀書
  •   8,547 views │ 2018年01月12日
    留言()

 

如果由麥明詩當冠軍數起,林作停留在娛樂圈有兩年多時間。

客串電影、擔任電視節目主持、扮美少女戰士、裸上半身出鏡,近日出現亞視玩埋《百萬富翁》,他認為未算正式加入娛圈。

「今時今日見到各行各業嘅人,運動界好,咩人都走去幕前,所謂娛樂圈,應該唔當係娛樂圈。我無諗過行咩路線,只想行其他人無行過嘅路,至少我夠膽講目前都係。好多人問我究竟想點,有咁嘅問號,代表我行喺正確路上,因為無人係靠抄而成功。」他說。

有能力跟大他一大截陶傑溝通,林作固然有自己的想法,他自認「樣又冇乜,又肥咗少少,唔搞gag就冇無乜觀眾」,他說:「以我多年討好人,尤其女仔風格嚟講,基本上都係搞笑為主,更加準確字眼係滑稽。」

滑稽的演員都有經歷,由低層做起,依今日的說法,是貼地,接地氣,很難想像住在三千呎豪宅,揸Tesla潮車,好朋友是四太梁安琪大仔何猷亨的林作能夠體會。

「我覺得自己算貼地,因為比較了解周圍發生嘅事,朋友圈子好闊,咩人都有。我係好極端嘅人,非常之貼地同非常之離地,兩樣都係,我好鍾意去茶餐廳,不只幾次嚇親入面嘅人,我好喜歡嗰啲地方。另一方面,我又好鍾意著西裝打呔去高級餐廳,即飯枱隔籬有幅名畫,所以覺得自己比較極端。我覺得呢種人,可以擴闊視野情況下,諗嘢更深遠,不單在娛樂圈,其他方面都係。」他說。

是否真需要貼地?林作坦言認真分析過:「我覺得要帶啲新嘢俾觀眾,創出人哋唔知又覺得幾好睇嘅嘢,今時今日資訊發達,只係純粹滿足市場需求,已經落後一步。而家市場上要嘅係貼地,接地氣嘅嘢已經有好多,多我一個唔多,少我一個唔少,或者咁講,我只可以做自己,每個人都只可以做自己。」

在英國讀書超過十年,對當地娛圈文化了解比較深入,林作覺得可以帶入香港市場。

「明星應該要有一定程度class,英國係一個頗為左派社會,總係覺得要人人平等,學費平啲,大家有同樣機會,而家幾位做得最好嘅演員,背景上都非常離地,《哈利波特外傳》男主角Eddie Redmayne、《奇異博士》、《福爾摩斯》男主角Benedict Cumberbatch、又或者超級英雄系列Marvel飾演奸角Loki嘅Tom Hiddleston,都係背景非常好,讀最好中學,牛津或劍橋畢業,呢個世代受到西方國家熱捧。香港未開始呢樣嘢,我希望自己係代表未來,唔係代表過去。」他說。

相關連結:

【豪語錄】林作最愛冧女仔 講嘢得兩成真

http://bit.ly/2mu4WPA

【豪語錄】以牙還牙 林作忠於自己

http://bit.ly/2mlbxva
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 229,823 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 167,959 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 85,980 views
  • 【個仔似足老豆】李琳琳老來得子 70歲姜大衛細仔只得22歲(足本版) 80,899 views
  • 【五層樓港女評廢青】港男無料扮四條 港女曾上游:傾好條件至一齊(足本版) 67,908 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 57,254 views