< 返回
  • 大仔得康子妮歡心 細仔惹林曉峰激心
  •   28,304 views │ 2018年01月13日
    留言()

 

林曉峰、康子妮個大仔林寶生得高大靚仔,難怪阿媽當正呢個「小鮮肉」好似男朋友仔咁,次次去親街都拖到實啦,仲冷落老公林曉峰添。

坐定定之後,康子妮仲好細心咁「服侍」呢個男朋友仔,見林寶耳仔有少少污糟,主動幫佢清潔,整完右邊整左邊,搞到阿仔都唔好意思,耳仔都紅埋。

又難怪林寶咁得阿媽歡心嘅,除咗外形,性格似乎亦相當乖巧,放假唔同同學仔去玩,留喺父母身邊陪行街,氹得阿媽開心之餘,同老豆林曉峰亦傾得兩嘴,仲即場表演moonwalk俾老豆睇。

至於姍姍來遲同老豆餅印一樣嘅細仔林熙,唔知又做錯咩事,一現身又俾阿媽訓話,睇吓康子妮個樣,真係面都黑晒架。至於林曉峰同林寶就企埋一邊,似係無說話嘅餘地。

點解會話「又」?因為林熙已經唔係第一次被當街當巷訓話囉,上次佢仲發脾氣華麗轉身,視父母若無睹。

講返現場,康子妮訓話完畢就輪到林曉峰語重心長式說教。雖然最後一家四口繼續行程,但氣氛已經跌至低位,相比起同父母有傾有講嘅阿哥林寶,林熙只係一邊低頭玩電話,一邊跟住,好似融入唔到咁。

熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 193,244 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 158,970 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 114,845 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 86,242 views
  • 【個仔似足老豆】李琳琳老來得子 70歲姜大衛細仔只得22歲(足本版) 77,903 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 71,360 views