< 返回
  • 梁詠琪爆老公誤會結婚第一年先要新年派利是
  •   18,958 views │ 2018年02月17日
    留言()

 

壹:嚟緊新年會點樣過?

梁:今年會留喺香港,當然會四出拜利是同埋𢭃利是,通常初一都會先去最長輩嘅屋企,去親戚屋企通常都會俾人拉落水玩魚蝦蟹,我都會玩少少嘅

壹:今年係咪會帶埋老公同囡囡一齊出動呢?

梁:梗係啦,一定會一齊

壹:屋企新年會唔會有啲習俗,譬如食開年飯,或者有咩特定會做嘅?

梁:其實都係差唔多,不過一定會擺壓歲錢,因為由細到大年年都會擺,就算農曆新年要工作,年三十晚唔喺屋企,媽咪都會俾定壓歲錢我,叫我一定要擺喺枕頭底,年初一就打開。有時都好大壓力,細個驚漏咗喺酒店枕頭底,即係做嘢嘅時候唔記得拎走。今年都一樣會俾我嘅小朋友一個壓歲錢

壹:老公第一年接觸壓歲錢,會唔會覺得好奇怪?

梁:呢個佢唔覺得奇怪,我覺得最奇怪係我哋婚後第一年封利是,我放到成枱都係現金嘅時候,我叫佢幫手一齊入,佢就話新年要派咁多錢?我話係咁㗎,跟住佢一路入一路話,好彩淨係派第一年咋,如果唔係年年都咁派咪好金,我話係呀,年年都要派㗎!佢誤會咗
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 223,968 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 166,530 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 81,789 views
  • 【個仔似足老豆】李琳琳老來得子 70歲姜大衛細仔只得22歲(足本版) 80,373 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 67,966 views
  • 【大陸生果扮日本】小心大陸老翻日本生果 果欄檔教一個字分真假 (足本版) 56,300 views