< 返回
  • 【墮馬後開竅】劉華逐步放寬 公開Hanna 真面目
  •   33,597 views │ 2018年03月14日
    留言()

 

12年,自天王女劉向蕙(Hanna)出世後,劉德華嚴守防線,千方百計防女兒真面目曝光,直至15年劉華終於諗通,逐步放寬,公開小Hanna真面目。

09年,劉華不惜豪擲2億買入加多利山獨立屋,再耗資千萬施工三年,將三千呎地方打造成囡囡的歡樂天地,務求小Hanna足不出戶亦有充裕空間活動。12年,由於加多利山愛巢被揭,劉華一度舉家搬到月租17萬的尖沙咀服務式住宅聽濤閣暫住,更將保安升級,出入有專人負責鎖𨋢,保鑣人數由原本四個增至十個。小Hanna出世兩個月,要到中環診所打預防針,為免愛女樣貌曝光,劉德華安排四名保鑣護駕,更吩咐大廈保安組成「遮陣」,全面阻擋記者鏡頭。劉德華曾在歌迷會承諾待女兒三歲時讓大家見面。事隔一年,劉華兌現承諾,每年都帶女兒跟歌迷見面,視歌迷為家人。每年朱麗倩都會帶埋Hanna飛返大馬娘家,每次都非常大陣仗,去年湊女現身機場,有保鑣、工人姐姐傍住,湊住阿女現身機場準備出發。入閘後,朱麗倩想食家鄉菜,一行五人竟然唔係去lounge,反而走去最多人的food court。去年,小Hanna撇甩媽咪,連同幾個保鑣一名親戚,到中環IFC名店shopping,Hanna自己揀衫、試香水,相當可愛。

去年初劉華在泰國意外墮馬,導致盆骨撕裂,經歷長達八個月復康期。去年九月,劉華拖埋老婆同阿女出席粉絲聚會,其間大會更播放劉華住院時片段,劉華喊住多謝老婆:「佢一路等我企番起身。」場面感人。

「自從嗰次意外之後,華仔睇開咗好多,以前好介意阿女曝光,成日話想佢過正常生活,唔想佢細細個就咁受注目,所以佢從來唔會親自帶個女去啲公眾場所,一去啲多人少少嘅地方,就要同個女分開出入。好多時都淨係叫工人姐姐,同保鑣湊Hanna出街,連老婆都唔俾跟住,等人冇咁易察覺佢係天王女喎!不過嗰次意外之後,佢心態唔同咗啦,唔想因為咁犧牲同個女相處嘅時間,最多一家人出街咪叫多幾個保鑣跟住囉,唔避得咁多喇!」劉華身邊人透露。以前喺公眾場所從來唔會合體湊女,經歷泰國意外之後,劉華終於諗通晒,今年2 月,一家三口齊齊起行返大馬祭祖,第一次比《壹仔》影到呢張全家福喇!

相關新聞:

【舉家返大馬】 十二兵團護駕 劉華朱麗倩合體湊女祭祖

http://bit.ly/2Fy5Tlz

棄國際學校 李嘉欣黃浩然 心儀傳統名校

http://bit.ly/2IpoKNp

【天王女考小一】唔揀國際學校 劉華朱麗倩心儀女拔小

http://bit.ly/2HvJhyH
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 112,251 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 100,910 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,513 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,408 views
  • 【個仔似足老豆】李琳琳老來得子 70歲姜大衛細仔只得22歲(足本版) 67,097 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,785 views