< 返回
  • 【社工灰爆】社工嘆服務重量不重質 :迫不得已要close file
  •   10,515 views │ 2018年05月16日
    留言()

 

社福機構整筆撥款制度已推行十七年,一直被批評問題多多。前線社工薪金低,每日亦要疲於奔命地「跑數」,社福界怨聲載道。

整筆撥款制度下,社署以相關公務員職級的薪酬中位數作為撥款基準。做了社工十五年的Hison說,變相很多時員工薪金只會加至中位數就止步。社工年資愈長,機構的壓力就愈大,有時甚至會要求員工「捱義氣」,Hison無奈地說:「之前試過搵工,間機構請我,佢話好對唔住,我哋最多可以畀你三年年資。」

在制度下,機構要按照《津貼及服務協議》(FSA)發展服務,協議規定機構的服務量,如每間中心會員人數數目,活動節數等等。社工為求數量達標,不免要「跑數」。Hison說,人手不足情況下,每個社工手上的個案愈積愈多,疲於奔命,「社工收到個案,其實係冇waiting list,我哋限時內一定要見,變相社工手頭上堆積一大堆個案。但其實我大部分時間,都係用來應付最緊急、最等住救命嘅個案。」Hison苦笑:「數最後都交到,但入面究竟係咩呢?個案跟成點、每個個案見到幾多節、用幾多時間,社署全都唔過問。」

當慘劇發生後,很多時社署就會公布個案是否有社工跟進,行內稱之為「爆case」。一旦自己跟進的個案「爆case」,社工就會感到巨大壓力。社工面對手頭上積壓的個案,自己又分身不暇,Hison無奈地說:「所以有時有啲社工情願 如果個案唔係有咩特別嘅話就close咗個case,至少唔喺我手上爆。但我哋明知仲有好多嘢可以做,但我哋冇辦法做到,所以社工都做到好灰心,因為其實你做社工都係為咗幫到人,但有啲個案,你明知其實佢有服務需要,但你做唔到,其實感覺係好難受。」

撰文:鄭靖而

攝影:王晴
熱門新聞
  • 【鹹濕牙醫〡狼影裙底】CCTV踢爆牙醫診所淫行 手機暗影大批女病人裙底(足本版) 372,325 views
  • 【明星家恐怖印傭】紅布木劍暗落邪降16年 鄭敬基驚呼:好心寒(足本版) 187,407 views
  • 【港大俊男毒招玩女】氹多名港女上床SM虐打 仲逼女碌卡借錢供養(足本版) 138,524 views
  • 【信錯16年嘅印傭】鄭敬基俾家傭偷走珠寶財物: 揭穿時佢怒睥我老婆(足本版) 120,713 views
  • 【剝一隻牙人生逆轉】港男剝牙昏送ICU變癱 醒來身殘失業妻自殺(足本版) 94,053 views
  • 【20億身家俾晒利智】愛到貼地29年因一件事 李連杰:我願意為她付出生命(足本版) 71,337 views