< 返回
  • 【同大牌子打對台】 師奶手作無添加醬料賣逾十萬樽 進駐誠品
  •   394 views │ 2018年06月26日
    留言()

 

足本版精彩內容,請點擊以下網址:https://bit.ly/2IoGeIw

「點解一定要擺色素落去,一定要擺防腐劑?我有小小好唔忿氣,好想做呢件事。」育有兩子的Nicole,多年前因為大兒子食物過敏,令她意識到市面上許多食品亦含有添加劑,從此煮食親力親為,在廚房練得一手好功夫。待兒子逐漸長大,變得獨立,她決定由「辭去」全職媽媽一職,成為職業女性,創立自己的食品品牌「Nicole’s Kitchen」。

「我寫計劃書嗰陣,我用『Nicole’s Kitchen』,我唔會話『Nicole’s jam』,『Nicole’s Sauce』,因為『kitchen』裡面可以演變成好多嘢,食品、用具、廚具。我想做多元化,等於你送禮嘅時候,你唔洗來來去去都淨係送果醬,有啲人鍾意食辣,我煮醬料;香港人鍾意打邊爐、燒烤,驚熱氣會有果蜜茶,其實我係諗緊成個lifestyle(生活模式)。」Nicole說得一口流利地道的廣東話,不過她其實是馬來西亞華僑,廣東話是從小看電視習得。十多年前,她本來是越南酒店的高層,為了愛情她遠嫁來港,成為家庭主婦;十多年後,她的營運公司的技巧,仍未生疏。

原本只為興趣和解悶,才在網上賣手工果醬,「都係自己網上賣下,有人訂我先做,冇嘅話我就喺屋企照顧小朋友,維持左大概四年幾。」就在兩年半前,她接到一個令她的生活從此有翻天覆地轉變的電話,「收到誠品生活嘅邀請,佢哋就話:『Nicole,你有冇興趣將你嘅品牌變成一個實體店?』」想到兩個兒子都上小學和高班,自己又興致勃勃,夫婦二人就投資近百萬,設立廠房以應付兩間門市所需貨量。除了果醬,『Nicole’s Kitchen』亦開始賣其他產品如果蜜茶和XO醬。

竟料才開店一年半,身為主廚兼老闆的Nicole決定兩間門市也不續約,「我覺得既然我做得生意,就要大膽。我就話:『好!唔簽!唔續約!』但係當我一話cut嘅時候,我接到個電話,我真係唔信,誠品書局話:『Nicole,我知道你們合約結束了,我們邀請你進來我們書局。』」其後,陸續有超市和百貨公司邀請她的品牌上架,據Nicole說她至今已賣出逾十萬樽醬料,而且九成以上的產品也是她親手烹調。

「我覺得,你係真材實料,你包裝整得幾好,你所有嘅產品好啱品牌個路線嘅時候,其實應該有人注意到。」Nicole說。

採訪:劉卓瑩

攝影:林金展
熱門新聞
  • 【住豪宅劣質生活】呎價2萬5上層床下層客廳 住客:我都在死忍(足本版) 234,718 views
  • 蔣雅文遠走台灣做基層 捱到永久失眠|斷捨離香港 92,813 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 89,056 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 72,292 views
  • 【五層樓港女評廢青】港男無料扮四條 港女曾上游:傾好條件至一齊(足本版) 69,783 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 60,750 views