< 返回
  • 【幾耐冇拍拖?】張智霖聰明又搞笑 薛凱琪:所以好鍾意(足本版)
  •   15,639 views │ 2018年07月13日
    留言()

 

入行15年嘅Fiona,佢嘅緋聞男友就只有房祖名、方大同,踏入8月就37歲嘅佢,而家嘅感情生活係咩狀況先?「無拍拖呀,幾耐無拍?我都唔需要講得太detail,入行到而家,你話我有冇拍過拖,我梗係有啦,但係有冇分過手,咁梗係有啦,但我覺得我起碼可以保護到對方、自己,同埋我嘅屋企人唔需要擔憂我,同埋我嘅fans唔使擔憂我,就係我唔會講太多我嘅感情事,因為無人知道將來會發生咩嘢事,我好慶幸之前無講,變咗就算分手嘅時候,我好唔開心,無人會知,我亦都唔使喺我plug歌,或者做首映嘅時候,個個都問:分咗手而家點?分咗手梗係唔開心仲要做訪問,仲要做完國語又做泰文,又做廣東話,做完video仲要做文字,我保護咗自己好多。」

獅子座嘅Fiona,鍾意浪漫,亦唔介意自製浪漫比另一半。「我係一個最愛浪漫嘅人,我覺得如果佢浪漫我開心,如果佢唔浪漫,我無所謂,因為我浪漫吖嘛,即係浪漫同搞笑一樣,你唔搞笑唔緊要,我識搞笑,我識浪漫,你最緊要識得去接收,我就會幫你創造晒所有嘢,浪漫係好緊要。」

早前,Fiona同張智霖、王陽明拍攝網劇《蝕日風暴》,劇裡面周旋喺兩位型男之間,現實生活裡面,佢又同邊個有feel啲呢?「我係唔會揀有老婆嘅男人啦,嗰個雷達就會閂咗,但我覺得好難揀,兩個都有佢哋嘅好處,我逐個講佢哋嘅好處啦,我鍾意好聰明嘅人,因為我諗嘢講嘢全部都好快,所以我覺得Chilam係一個好聰明嘅人嚟,所以好鍾意,第二就係佢好搞笑,佢同佢老婆都好搞笑,如果你同佢哋私底下傾過偈,佢哋諗嘢係好快好搞笑嘅,所以我覺得幽默感,無論係做伴侶做朋友做同事都係好緊要,因為呢個社會好多壓力,我相信上帝俾我哋落嚟呢個凡間,除咗要我哋學習之餘,仲要我哋享受生活,所以一個懂得快樂嘅人,懂得搞笑嘅人,佢就會懂得令到自己開心,令到別人開心,呢個我覺得就係Chilam嘅優點囉,快、聰明、搞笑,同埋雙眼皮過我啦,又baby face啦,我成日都問佢,問咗好多年,你究竟係咪食BB㗎,咁多年都係冇乜變,同埋佢心地好善良,而王陽明呢,其實好多台灣男仔都有個優點就係溫柔啦,每個女仔都鍾意男仔好溫柔,因為佢而家結咗婚,就見到佢其實係一個好錫老婆好專一嘅人,成日登佢同佢老公嘅相,如果一個又高大又靚仔又專一嘅男仔,我覺得都係一個好好嘅選擇囉。」

Fiona喺Viu煲劇網站度播嘅《蝕日風暴》入面再做madam,佢飾演嘅簡詠珊又係個咩人呢?「其實簡文珊呢個女仔係黑白分明,好有正義感啦,佢黑白分明得嚟有少少死板啦,即係冇灰色地帶嘅,所以開頭講王陽明係我嘅未婚夫,但因為佢有佢嘅苦衷,有咗啲比較灰色地帶嘅嘢,令到我哋感情開始有啲決裂啦。」

採訪:肥A

攝錄:黃志明

服裝提供:SPIRITUNUS

化妝:Frances Ho @ Jessica Chan Make-up Workshop

髮型:Jo Lam @ Muse Hair

請參與壹週刊大獎賞活動!有機會贏取郵輪假期 、名牌腕錶、4K超高清電視或金箔護膚品,仲有機會同陶傑共晉晚餐添!即按:http://bit.ly/Appinstall18

每日大量精彩內容,立即按此連結下載《壹週刊》APP:http://bit.ly/next28app
熱門新聞
  • 蔣雅文遠走台灣做基層 捱到永久失眠|斷捨離香港 130,915 views
  • 【奶奶想抱孫】打電話教床上姿勢 新抱:係咪黐線㗎(足本版) 115,834 views
  • 【曾是180磅肥師奶】50歲李婉華身體出事 咬緊牙關減走70磅變索媽(足本版) 91,016 views
  • 【惡魔菲傭嚇死我】誘爬露台摸下體想動刀 9歲女:佢想殺死我(足本版) 78,627 views
  • 【45歲生日有花收】結婚10年一樣恩愛 張晉難忘蔡少芬三次拒愛(足本版) 64,313 views
  • 【最惡頂奶奶實錄】疑神疑鬼新抱偷食 新抱:著乜衫都話我少布(足本版) 61,849 views