< 返回
  • 【獨家〡唔止搞大粉絲肚】爆黃子恆氹35E女歌手送上門實錄 呃女對話錄音流出(足本版)
  •   270,117 views │ 2018年12月06日
    留言()

 

曾經介入裕美婚姻嘅黃子恆,撇甩對方自保之後不愁寂寞,原來轉向fans埋手,昨日有大陸女fans表示俾佢搞大個肚。

不過「餓」起上嚟,原來黃子恆都有喺圈中「搵食」,據知佢每次氹女返屋企都有唔同藉口,而且一時扮情聖,話自己唔係玩玩吓;一時又暗示只係打友誼波,總之冇句真。

年幾之前,歌手迪子嘅朋友圈中傳出,黃子恆三度氹佢送上門。我哋收到一啲黃子恆同迪子嘅對話截圖及錄音,來電號碼係黃子恆平日用嘅手機。

佢睇中迪子,相信同佢嘅身材拍得住老友莊端兒有關。第一次氹迪子送上門,佢好曖昧咁講到提供服務,仲話服務呢家嘢,唔一定迪子對自己,交流都好重要。仲話你好我好,我好你好啫!

迪子話自己冇咁嘅需要,同埋只服務自己男朋友。黃子恆仍然未放棄,繼續話自己唔需要服務,只需要交流,抱得緊緊的。

迪子話自己只需要一個男朋友,黃子恆就答佢唔需要女朋友,暗示係想打友誼波。

迪子繼續拒絕佢,仲寸佢都係返去搵人妻,暗示佢去搵裕美,黃子恆即刻發老脾爆粗,非常冇風度。

隔咗幾個月,黃子恆再打迪子主意,呢次佢約迪子去佢屋企飲酒。迪子提議出街飲,佢就話佢嗰度唔會俾人影到。不過再次食檸檬。

第三次佢醒咗少少,氹迪子去佢屋企一齊喺big big chanel live唱歌,但迪子踢爆話佢個琴喺床尾,佢即刻改口話可以搬個琴去廳。迪子始終覺得孤男寡女唔方便,再次拒絕佢,自此黃子恆亦冇再搵佢。

我哋求證迪子,佢承認有呢件事,不過佢同黃子恆已經好耐冇聯絡。對於黃子恆因為得唔到米,向佢爆粗,迪子話:「係有嬲,冇風度都唔緊要,但佢連對人嘅尊重都冇。佢講到自己好正人君子,唔係玩玩下,但喺我心目中,黃子恆唔係男人。」

問到佢點睇黃子恆被指搞大fans個肚?迪子話:「女仔真係要學識保護自己,呢個世界真係好多壞人㗎。」

立即下載《壹週刊》Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【左手盾牌右手牛肉刀】自稱勝和喝全場冷靜 山林道古惑仔見人就打(足本版) 105,542 views
  • 【入行後秘撈髮型屋幫補】李佳芯喪做賺800萬脫貧 捱到身心爆煲要唞半年(足本版) 55,167 views
  • 【借錢黨唔還錢】好心港女借出50蚊 無恥內地女唔還兼搶人手機(足本版) 51,534 views
  • 【離婚斷水曾手緊】失視后陳煒買樓撻訂蝕二百幾萬 儲四年首期再入市:冇諗過要男人啲錢(足本版) 50,593 views
  • 【港女偏門工】19歲女愛做女僕服侍宅男 港女讀完設計賣性玩具(足本版) 49,498 views
  • 【經典寸爆〡大帥哥親去朝聖】九記牛腩出名寸 老闆與大陸食客對打被捕 43,256 views