< 返回
  • 【飛起媽咪】龔慈恩傍實指導 林愷鈴單拖拍廣告
  •   7,611 views │ 2018年03月12日
    留言()

 

龔慈恩孖囡囡林愷玲(Ashley)齊齊拍廣告已經唔第一次,不過最近, Ashley就「飛起」阿媽,第一次自己單拖上陣,為美容產品IPM Conch Carousel(美肌之旋轉木馬)拍攝廣告片。

雖然Ashley 15歲時已經同媽咪龔慈恩拍廣告,不過自己一個拍廣告今次都係第一次,所以拍攝時難免有啲緊張, 早前加入咗Mandy Lieu嘅模特兒公司 - QUEST、又啱啱18歲嘅Ashley話:「都有啲緊張,同埋今次都要講對白,所以都take咗幾次先成功。」話晒「處女下海」,做阿媽嘅梗係嚟「監場」啦,期間龔慈恩除咗幫囡囡執吓妝頭衫,每個拍完一個鏡頭,佢都會走到攝影機後睇play back,最緊要嘅當然係傳授番幾招,好似眼神、點樣擺甫士、講對白等,Ashley都乖乖點頭。

廣告片入面,Ashley都係分享吓自己嘅護膚心得,先唔好理佢表現成點,淨係見到佢着條白色喱士裙同牛仔熱褲,再露出白滑長腿、再加埋嗰朕仙氣,真係隔住個mon都吹到出嚟呀!
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 112,251 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 100,910 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,513 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,408 views
  • 【個仔似足老豆】李琳琳老來得子 70歲姜大衛細仔只得22歲(足本版) 67,097 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,785 views