< 返回
  • 甄詠珊為父還債15年 日打三份工芫荽當菜食
  •   16,278 views │ 2018年03月15日
    留言()

 

甄詠珊喺《果欄中的江湖大嫂》入面,原本由生活唔使點憂嘅師奶,變成靠自己一對手喺果欄捱大小朋友嘅女人。相信甄詠珊都好容易墜入呢個角色,事關佢亦靠住自己嘅勞力,幫阿爸還晒啲債,足足還咗15年。

甄詠珊嘅爸爸本身從事地產工作,97年破產,一時接受唔到巨變嘅甄爸爸更兩年冇出過門口,當時窮到要細佬去街上面執煙頭俾阿爸頂住煙癮。破產之外,仲欠下落親戚很多錢,甄詠珊為咗賺多啲錢盡快還清,更試過一日打三份工。後來入行做茄喱啡,04年撞正許冠傑復出開騷,佢被挑選成為Sam's Angel,跟住許冠傑做巡迴,收入才穩定。

甄詠珊有苦自己知,佢連食碗牛腩河,甚至要加碟油菜嘅錢都冇,唯有叫人用淨河加牛腩汁,明明唔鐘意食芫荽,都叫人加大量芫荽蔥當菜食。有頭髮邊個想做癩痢,不過最艱難嘅時間已經過咗去,要還嘅債亦都還晒,甄詠珊同屋企人唔使再為三餐愁眉不展啦!
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 112,251 views
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 100,910 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 84,513 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 69,408 views
  • 【個仔似足老豆】李琳琳老來得子 70歲姜大衛細仔只得22歲(足本版) 67,097 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,785 views