< 返回
  • 【慘劇不絶真相】社工士氣低落就爆煲 主管驚蝕本摧毀社福服務
  •   9,712 views │ 2018年05月16日
    留言()

 

周一立法會福利事務委員會就優化整筆過撥款津貼制度舉行公聽會,社福界發起集會,要求取消整筆過撥款制度。由實報實銷,變成整筆撥款,計劃推行十七年來,社福界批評不斷。現職社福機構中層管理人員的陳偉良做了社工二十多年,他慨嘆整筆撥款原意是希望機構可以靈活運用資源,但現實是反而令服務質素下降。

早前五歲女童臨臨遭虐殺案轟動全港,近年香港亦不時出現倫常慘案,「我哋經常見到好多社會慘劇,經常問政府有冇做嘢,其實社工係有做嘢,不過有冇足夠時間做嘢呢?醫生為病人診症五分鐘你都覺得係不能接受,但而家一個社工探訪一個有需要嘅人,可能只係半個鐘,其實係唔足夠預防任何問題。」陳偉良指,整筆撥款制度下,社福機構被要求在服務量上達標,機構變相要追求服務既要便宜又要量多,前線社工就唯有頂硬上,「我哋譬如一個同事本身服務四十個個案,整筆過撥款希望你做多啲、平啲,咁你可以點做?你就要問同事四十變五十得唔得呀?變六十、七十得唔得呀?好似犀利咗,但係質素就係個問題。」加薪幅度受限,工作量爆煲,社工界士氣低落,「我哋經常話,社工最大嘅力量就係我有好大嘅能力去承載其他人嘅痛苦同困難,今日我哋都面對緊咁大嘅困難嘅時候,你點樣去承載其他人嘅痛苦?」

早前爆出有社福機構管理層收取巨額津貼,肥上瘦下,陳偉良指高層的薪金理應要公開,但機構缺乏資源的主要原因,是社署的撥款基準追不上發展,如社工薪金一直都是以薪酬中位數作為基準,服務開支亦隨社會變化龐大了許多,但撥款基準卻一成不變。另外,機構財政管理保守亦是其一原因,「因為政府嘅說法就係你要自負盈虧,咁好多機構就會擔心,我會唔會令機構蝕本,好多機構主管就變成對財政危機非常敏感。」陳偉良反對以商業模式運作社會服務,「你睇到審計報告,(社福機構)一虧損就拿出來鞭撻。事實上志願機構係唔應該有盈餘,基本上只要達至收支平衡就可以,但一筆過撥款就要求你有盈餘,呢個實在是本末倒置。」他希望政府可承擔合理的薪酬開支,令機構能更專心提供服務,「作為社工,唔應該每日就喺度討論,我咁樣會唔會蝕本,我應該裁減邊個人手,我哋嘅心力應該放喺點用筆錢服務社群。而家我哋管理人員嘅精力放喺究竟要點慳錢,其實係好令人頹廢嘅情況。」

撰文:鄭靖而

攝影:王晴
熱門新聞
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 109,751 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 83,272 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 67,831 views
  • 【惡男亂泊車】為接女友泊巴士站釀塞車 惡男仲要爆粗兇人(足本版) 64,247 views
  • 【為支飲管爆SEED】西裝惡男大鬧麥記 店員企硬氣走:你慢慢企!(足本版) 61,913 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 58,601 views