< 返回
  • 【屈機!無妝都咁索】何佩瑜素顏拍《飛虎》:想拍得居家寫實一啲
  •   25,124 views │ 2018年06月11日
    留言()

 

拍開電影嘅走去拍電視劇,除咗新鮮,仲會令觀眾驚訝:「原來佢哋演得唔差喎。」參與《逆緣》嘅陳家樂係例子,拍攝《飛虎之潛行極戰》嘅何佩瑜(Jeana)都係。而且兩人靚仔靚女絕對有著數,據知Jeana拍《飛虎》時更主動提出素顏拍攝添。

Jeana一出場就係出水芙蓉騷胸半露,以為佢戲路同以前拍嘅電影無咩唔同,不外乎都係擔任性感演出負責吸引觀眾眼球、又係扮演C9口中嘅「唔係啲咩好女仔」,繼續《喜愛夜蒲》、《鴨王》style。

不過,原來外表獨立開朗嘅壞女孩凌文洛,實際係一個父母因意外離世嘅孤女。無人無物孤伶伶嘅佢,為求被愛錯愛郭勤風(梁烈唯飾),更被利用犯罪又苦無脫身辦法。睇見佢一個女仔有啲咁嘅遭遇,有邊個唔心痛佢、唔可憐佢呢?

直至凌文洛遇上人人都覺得態度脾氣硬邦邦,又成日衰衝動嘅高家俊(吳卓羲飾)。喺凌文洛眼中高家俊反而係個有責任心、肯保護自己,最重要係俾到家嘅感覺佢嘅好男人,高家俊仲買埋機票陪凌文洛寓避難於旅行添,真係冧死人。

睇見凌文洛終於被愛,仲要係型男美女嘅搭配,梗係希望凌文洛可以擺脫前半生嘅不快,開開心心同高家俊一齊啦。但偏偏,凌文洛最後都係慘被郭勤風整死,睇見都心噏,亦令人更加對凌文洛同情,甚至覺得Jeana真心做得唔錯,為Jeana第一次走入公仔箱留下一個唔錯嘅開始。

至於素顏拍攝方面,聽聞係Jeana自己要求嘅,因為佢有好多戲份都喺屋企拍,為咗拍得居家一啲、寫實一啲,又想多幾分遭遇淒涼嘅苦命女子味道,所以佢覺得唔適合濃妝艷抹,於是佢就一路拍一路減妝,直到最後素顏出鏡。全高清、4K年代,夠膽素顏拍攝,唔係有返咁上下姿色,兼有做好件事嘅決心,有邊個夠「吉士」好似Jeana咁?

立即按此連結下載《壹週刊》APP:http://bit.ly/next28app
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,735 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 122,848 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,344 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,696 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,370 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,688 views