< 返回
  • 【健身宗師俾啲掙扎】 最低潮時期靠老婆養 胡力威自嘆錯過女兒童年
  •   12,101 views │ 2018年06月12日
    留言()

 

為人父母,最希望的當然就是子女生生性性,快高長大;一個追夢者,大概會希望窮一生的力量,把自己的夢想好好實踐。但如果你是一個懷抱夢想的人,面臨家庭和理想兩個層面,你又會如何抉擇?

胡力威,健身界一代宗師。大家對於「胡力威」這三個字,第一下想到的可能是他的健身學院、他像熊一樣的身形,還有他的口頭禪「俾啲掙扎」。網絡上對於這個人的評價兩極,或讚揚、或取笑,但他卻鮮有提及家人。原來二十多年前的他,確實過著每一天都「俾啲掙扎」的日子。

 

靠老婆養 受盡親友閒言閒語

二十多年前,胡師傅曾有一段事業低潮期。當時的他希望深入鑽研健身,最大的夢想就是開一所健身院,把自己的健身理念推廣出去,所以他長時期都跑去不同的健身學校報班學習,又需花一大筆錢,嘗試各種營養補充食品。那時候他幾乎沒有收入,但太太幾乎是無條件支持他。「基本上大家都唔夠用,佢都好堅持話你去交學費先啦,甚至你去買咗需要食嘅嘢先啦,我用好少錢㗎咋,你放心啦。佢從來都無問過我攞錢,到今時今日都未問過我攞錢。」

那時候女兒身體也不太好,經常在月尾生病。經濟最拮据的時候,兩小口甚至要去銀行借錢給女兒看病,連外母都有微言。「佢會話,個女婿點解成日唔做嘢,無乜建設性?啲親戚都會覺得我點解咁樣㗎,唔去做嘢,或者做啲嘢唔長久。太太都話你唔使理人啦,你又唔係用緊人哋嘅錢,用緊我嘅錢,總之我哋繼續落去!」成功的男人背後總有一個默默支持自己的女人。「佢相信我會做得到,我都覺得自己一定會做得到!」

忽略女兒 錯過成長一點一滴

力威健身學院創校二十六年,胡師傅的女兒今年二十五、六歲。兩個心肝寶貝幾乎是同時期出生。

胡師傅由此至終都是偏心健身,女兒和家庭幾乎消失於其二十多年前的生命軌跡。「我諗個女由細到大,都對我係有啲失望。」

大多時候,女兒的成長片段,例如畢業禮,參加了什麼活動,都是由媽媽拍下來,他再看影片。無他,因為胡師傅一心只放在其健身院的事業中,一星期幾乎七天都留在學院,早出晚歸,太太甚至和他分開睡,因為彼此都怕騷擾對方。難得一家人一起外出,女兒竟然會走得遠遠的。「我同佢行出街佢都企到好遠,我嘅外型俾佢感覺有啲怪,又光頭又多鬍鬚,佢見人哋啲爸爸唔係咁。」

時光猶如白駒過隙,二十多年轉眼過去,胡師傅才發現一切都回不去了。「我睇過一幅相,有時同個女去尖沙咀,嗰時我啱啱踎低先可以攬住佢嘅日子,覺得佢笑緊嗰陣時,有時眨吓眼已經咁大個,好似無咗呢啲時光。」

因健身而疏離 因健身而重新認識

儘管錯過了,但可能冥冥中自有注定,胡師傅因健身而錯過了女兒的成長片段,也因健身而重拾和女兒的關係。

女兒畢業後,身體也依舊多病痛。胡師傅建議女兒,不如也來健身一下,調理身體?

自從去了健身,女兒漸漸開始明白父親。「開始知道原來爸爸咁辛苦,原來我細個嗰陣時佢咪仲辛苦?佢開始會多咗同我溝通,多咗一齊食飯,多咗講心事。佢慢慢接觸到健身,再慢慢喺健身裡面再接觸到父親。」兩父女現在可謂無所不談,胡師傅說,他們甚至可以嘴對嘴kiss,完全沒有任何尷尬。雖然錯過了二十多個父親節,但或許今年的父親節,父女倆終於可以好好彌補一下。

撰文:黃心悅

攝影:蔡福生

 

立即按此連結下載《壹週刊》APP:http://bit.ly/next28app
理想和家庭不能兩者兼得,胡師傅終究選擇了前者,在女兒的成長階段忽略了她。
小時候胡師傅的女兒很害怕他。「我同佢行出街佢都企到好遠,我嘅外型俾佢感覺有啲怪,又光頭又多鬍鬚,佢見人哋啲爸爸唔係咁。」
熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,011 views
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 122,108 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 81,278 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,835 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,480 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 61,747 views