< 返回
  • 【健身宗師俾啲掙扎】因病與做gym結緣 胡力威細數二十六年起跌
  •   12,919 views │ 2018年06月12日
    留言()

 

健身給你的印象是什麼?大隻肌肉男?粗獷?陽光?還是只會想到有一半人在街頭不停說服你試玩,最後困你於小房裡面,騙你一大筆錢的新聞?

輕輕推開力威的大門,頭頂上的風鈴的響聲鑽入耳蝸,彷彿跟豪邁的健身院格格不入。院內所有器材都塗上了黃色的油漆,連牆身都是陳舊的棕色磚。健身界一代宗師胡力威,經營力威健身學院已經第二十六個年頭。他說,這樣做原來是有目的的,是為了打破一般人認為「舊式鐵館」給人陰暗,恐怖的印象。

因病結緣

胡師傅特意介紹了牆身一幅畫,一幅講有關於和尚幫病人治病的畫作,是胡師傅在慈善拍賣會中投得的。大概買下了這幅畫,也透露了他和健身結緣的端倪。「其實我係細個嘅時候有啲病,醫極都醫唔好。阿媽帶我訪尋好多名醫、大醫院、中西醫、針灸都醫唔好,啱啱喺一間針灸嘅對面就有一間健身學院。」就是這樣誤打誤撞,讓他開始了沈迷健身之路,一發不可收拾。

那時候,他到處到不同的健身院學習,發現了不少健身院的導師都有用藥操fit自己的習慣。「嗰時我諗到,唔怪之得佢哋身型特別誇張,特別與眾不同,無食藥嗰啲人無論如何都無辦法媲美,其實健身係咪要咁樣玩呢?」健身不應該只是為了比賽,這不是胡師傅所認為的終極目標。於是,他決心要開設自己的一所健身學院,傳承自己的健身理念。

最風光時期

一開始的時候,不少學生都繳不出學費,但胡師傅仍然堅持教導他們。「即係攞本簿仔記數,根本賺唔到錢。」但後來學校上了軌道,最「威威」那時,胡師傅說是十幾年前,他「一個教幾百個」的日子。「由朝到晚都係得自己去做,唔舒服都只係瞓喺張沙灘床上,無話請假,無話返屋企!」

那時候,他能夠好好記住每一個學生,記得他們每個人不同的需要和學習特點,甚至成為摯友。健身院中有任何的器材損毀,翻新什麼的,徒弟們都會自發性幫師傅。「過時過節啲禮係堆到上天花板,要拎走啲,因為喺枱堆到上天花板。嗰時可以講話喺我人生裡面,我覺得係最高峰同埋最開心。」胡師傅笑說,以前甚至有徒弟會等他一起收工。問他現在還會嗎?他笑說:「而家唔會喇,班後生仔上到嚟,我而家呢個年紀又唔會等埋我收工,感覺已經唔同咗啦。」

俾啲掙扎

人生路總不會如此順利,後來,胡師傅也正如他的口頭禪一樣,經歷過不少掙扎。當中,大場的興起,可謂是他其中一個最大的難關。

「坊間誤導到令人以為外國進口嘅器械先玩到健身,一定要健美比賽出身嘅人,要周身線條、爆晒血管嘅,食藥嘅嗰啲先叫做健身教練。呢啲好多好多嘅問題,都要我哋以時間去證明,一一話俾人聽其實唔係咁樣。」胡師傅道,他不明白現在健身為何會變成「健口」。「大家搏命喺度講,睇吓邊個講得精彩啲。」

很多後生仔都很喜歡「俾啲掙扎」四個字,明明掙扎是正常不過的事情,但換成胡師傅口中所講,網民總覺得有種莫名的喜感。為此胡師傅完全摸不著頭腦。「基本上而家啲人唔知道健身係咩之嘛,如果知道健身係咩就一定係掙扎,因為健身係一個阻力嘅訓練,自由重量嘅阻力訓練,如果你唔掙扎,你嘅肌肉細胞唔撕裂咪即係無效!」

健身需要掙扎,人生同樣需要掙扎。胡師傅猜想,大概因為現今後生仔少了掙扎,便會覺得自己講掙扎好得意。「但其實喺我哋嗰個年代做咩嘢都掙扎緊㗎啦!」最後,他又寄語年輕人:「唔好俾自己懶落嚟,俾人發現隔籬嗰個仲掙扎得犀利過你,一定要俾心機啲!」回頭一看力威健身學院,殘舊的器材訴說著歲月果然半點不饒人。不過掙扎足足二十六載,打算快將退下火線的胡師傅大概也無愧於心了。

撰文:黃心悅

攝影:蔡福生

 

立即按此連結下載《壹週刊》APP:http://bit.ly/next28app
最風光的日子,胡師傅說是十幾年前,他「一個教幾百個」的時候。
胡師傅有段日子曾經收身,但他卻認為那時候的自己太瘦。
熱門新聞
  • 【20億身家俾晒利智】愛到貼地29年因一件事 李連杰:我願意為她付出生命(足本版) 123,735 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 122,842 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 77,343 views
  • 【千億富豪追求】賭王一舞傾倒 邵逸夫介紹 南豐陳廷驊利智傳緋聞(足本版) 72,696 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 67,369 views
  • 【20年父女戀】一生人得高志森呢個男人 焦媛坦白:我有戀父情意結(足本版) 60,685 views