< 返回
  • 【梁天琦判囚】網民圍插判刑重 衰過危駕強姦
  •   6,419 views │ 2018年06月12日
    留言()

 

旺角騷亂案上午判刑,本土民主前線前發言人梁天琦被重判入獄六年,判得比六七暴動案件要重得多,旋即成為網絡世界熱話,判決甫公布,唔少網民發炮炮轟判刑「痴線」,粗口橫飛。仲攞其他案作相提並論,話危駕撞死人、休班警強姦都冇判得咁重,審訊不公咁話。

至於今次判刑有幾重,唔少網民都同六七暴動案例比較,當年暴徒擲石、襲警、放土製炸彈等惡行,遠比旺角騷亂暴力,民主黨林卓廷仲貼圖,反問今時今日梁天琦等人要重判,咁當年暴徒應該點判咁話。事實上,紀錄片導演羅恩惠舊年八月曾撰文,六七暴動期間其中一宗重判案件,是一名十五歲少年向警署投擲炸彈,被判入獄四年。而六七暴動後一、兩年間,不少長刑期人士都獲港督減刑,提早重獲自由,相對之下更顯得騷亂案判刑有幾重。

除咗批評法官,又有網民將矛頭指向另一個被告,老早逃到外國的本民前「戰友」黃台仰,話佢怕且現時正在風流快活,為梁感到不值。例如網民「戀屍神父」就話:「天琦同其他人就重判六七年,瓦全(黃台仰)一個唔該錢名雙收去外面嘆世界,難為兒登班小朋友仲喊苦喊忽又烈士又打壓又哀悼」云云。

有網民認為,經過今次判決,今後的抗爭變得更激進,皆因既然掟磚都要判七年,「點解唔擲汽油彈?」又形容「擲磚同擲汽油彈其實再無輕重之分,咁點解唔擲後者?抗爭者會知道,一係就推翻政府,一係就人生終結、香港滅亡。」

在「打嘴炮」式抱怨外,亦有網民引用歷史事例,好似曼德拉都曾經坐過廿六年監,國父孫中山更幾乎遭遇殺身之禍,最終還是成功完成「革命」,改變時局,認為梁天琦坐六年監只係小事,將來還有成功的機會。

撰文:巫不言

熱門新聞
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 125,847 views
  • 【港女冧爆強國男】跳舞撒嬌服侍大陸佬 港女憑直播想買車買樓(足本版) 78,189 views
  • 【獨家斷正〡千語BB伴遊】濕身透bra跟富三代上樓 愛巢對正林峯屋企 (足本版) 68,434 views
  • 【20年父女戀】一生人得高志森呢個男人 焦媛坦白:我有戀父情意結(足本版) 62,762 views
  • 【貿易戰有生機】被遺忘的港產電視機 本地薑無奈: 大家寧願俾多兩倍錢出去買 60,656 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 51,931 views