< 返回
  • 【放蛇踢爆假盤源】筍到跳樓價? 經紀爆響口:冇咁大隻蛤乸隨街跳!
  •   935 views │ 2018年12月08日
    留言()

 

放蛇踢爆假盤源】筍到跳樓價 經紀爆響口:冇咁大隻蛤乸隨街跳!(足本版):https://bit.ly/2RM6hPL

樓市轉勢,還有錢入市的,都在等買平盤,在各分店的櫥窗廣告上都是「劈價盤」、「筍到跳樓價」等,甚至劈價逾百萬,令想買樓的你,蠢蠢欲動去睇樓,揸住層樓想放的你,見個個都劈價,在心理影響下,難免跟風減價。但你有否想過,所謂「超值」「至正」「上車必備」的盤源,孰真孰假?

壹仔接獲市民王生投訴,指十月於網上樓盤買賣平台,看到一屯門愛琴海岸300多呎二手單位出售廣告,代理人為中原地產經紀,聲稱「超抵價、有現樓、歡迎約睇」,但聯絡經紀後卻以多個理由推搪,一時指業主外遊不在港,一時說該盤連租約不能上門睇樓,總言之「睇極都睇唔到」,該經紀更一味力推區內一手盤如上源及星堤,令王生質疑超筍價的愛琴海岸單位是否真正存在,上網一查,發現愛琴海岸根本無推出過300呎單位,到深井中原分行詢問,該行經紀承認資料庫內並無相關單位紀錄,售價亦低得不合理;隨後接二連三發生類似事件,王生表示假盤源充斥市面令人髮指,準買家們有冤無路訴,比經紀玩到「氹氹轉」:「我真係想買樓,刊登假盤源浪費我時間!」

中原集團主席兼總裁施永青剛剛於利嘉閣實施「真盤源四大承諾」措施,標謗「真實委托」、「真實在售」、「真實圖片」、「真實價格」,但似乎起不了牽頭杜絕假盤源的問題,市面上有沒有出現過,大家心裏有數。記者放蛇實測疑似假盤源於香港各區地產代理的情況,發現假盤源的確充斥市面。

疑似假盤源個案一:元朗區中原分店

記者去到一間元朗中原分店,詢問面積460呎,售價530萬的采葉庭樓盤。但地產經紀聲稱該單位已經售出,「當然間唔中會有一兩張廣告賣咗,但多數太便宜嘅都已經賣曬啦。」

至於另一個同樣位於元朗,售450萬的294呎好順利大廈單位,經紀亦聲稱已售出,並介紹記者買入該大廈另一售480萬的單位,「呢個單位,我哋一黏上櫥窗就即刻有人咗左,依家呢個盤都係大約470萬呢個價錢㗎啦。」一個星期後,記者再到該分店觀看,發現中原仍未有撤下已經售出的樓盤廣告。

疑似假盤源個案二:荃灣區中原分店

荃灣中原分店櫥窗有兩個「至抵筍盤」,包括287呎荃德花園單位及395呎昌華大廈單位,售價分別為498萬及560萬,懷疑是假盤。記者向經紀表示有意睇樓,問經紀是否鎖匙盤,經紀表示荃德花園要約業主有點麻煩:「如果有一間500萬,喺荃德隔離,嘉興大廈,平時好少放盤,個間仲要大過呢間好多,會睇嗎?」

至於廣告上張貼著「上車之選」的昌華大廈,經紀以最近已租出為由說無得睇,說服記者轉睇其他盤源。被問到為何明知已租出仍繼續刊登,經紀則笑說:「未有時間換而已。」

疑似假盤源個案三:港島區太古美聯分店

記者於太古美聯分店的放盤傳單發現,標榜「全城最平」的「高山閣」單位,實用呎價$16,116,比太古城平均呎價低逾四千元。經紀表示單位已被售出,但太古城沒有名為「高山閣」的樓宇,正確應為「高山台」,而美聯網站亦無顯示任何高山台的成交紀錄,「廣告紙入面有好多都已經賣左,準備換架啦。」

而櫥窗張貼的「上車首選」的489呎洞庭閣,實用呎價$17,382。記者向經紀表示有意睇樓,但他聲稱已售出,但美聯網站無有關成交紀錄。

疑似假盤源個案四:沙田區中原分店

沙田區疑似假盤源問題最為嚴重,沙田區二手樓平均實用呎價為$14,566,記者發現一沙田區中原分店門外張貼大量標示「劈價盤」及「至筍盤」的樓盤廣告,記者逐一詢問,經紀不斷找理由推搪:「呢間有租約,無得睇,(另一間)呢間業主長期唔喺香港,約唔到的,想搵咩類型單位?我推介其他比你。」

一番詢問之後,發現櫥窗上32個盤源竟全部不能睇樓!而經紀則同時力推馬鞍山新盤,表示:「學你話齋,你都明白好多時我貼出嚟呢啲都無得比你睇嘅,得個講字無用架嘛。」

當記者質疑盤源真偽,經紀則說有類似盤源,只是價錢不同:「比如話呢啲大呎數單位係有嘅,放緊900幾萬就有得睇,貼出嚟700多萬就沒有了。」

記者放蛇過程中遇上另一分店的中原經紀,傾談過程中,他大爆假盤源為地產代理行內常用吸客手段。「多數地產貼出嚟門口個啲都係吸客,冇咁大隻蛤乸隨街跳,地產擺得上網個啲一定有啲問題。」他舉出希爾頓中心做例子,分店有廣告標價賣500萬,店內經紀都有共識不能帶客上去睇樓,原來因單位曾爆過屎渠,「正常人唔會買㗎 ,一入去就聞到有陣味,唯有用超低價氹人買。」記者指曾在網上出售樓宇網看過超筍平價盤,他笑指很多客人不熟行規會被騙:「無呢啲價,寫出嚟而已,假的。亂咁寫都得,先寫508萬,如無客睇,咁我咪寫夠498萬、488萬,等你入嚟問,再推介你其他盤。」

地產經紀除了要追上頭派下來的分店target,也得顧及危危乎的飯碗,為求自保,各經紀紛紛用上奇招吸客。「雖然個市多壞消息,但真正很減價業主唔多,成交少,劈價廣告可以嚇下業主減價。」有地產界人士說。

明明是約睇抵買二手樓,轉頭又說無盤,逼人睇新盤,是「餌誘式廣告宣傳」及「先誘後轉銷售行為」嗎?海關回覆壹仔指:「不動產不等於商品,不受條例管制。」雖然就不動產而提供的服務,可以是產品,但地產經紀卻是「獲豁免人士」,因以專業人士身分從事的營業行為亦不受條例管制;而地監局則表示不會評論個別個案:「假這回事很難定義,價格特別便宜也許有特別原因,而經紀指賣掉了但仍在刊登的廣告,可能只是經紀忘了更新櫥窗。」發言人承認難以劃一定義監管經紀操守,指有關刊登廣告的新規例已於本月生效,以增加消費者信心。

採訪:財經組

攝影:財經組

立即按此連結下載《壹週刊》APP,隨時隨地睇盡時政專題、深度偵查、娛樂熱話!

按此連結:http://bit.ly/next28app
熱門新聞
  • 【呢世最憎周潤發】曾經沉迷嫖賭飲 吳孟達嬲爆周潤發唔借錢(足本版) 151,429 views
  • 【監獄膳食黑幕】監獄廚房係油水位 江湖大佬可分多2隻雞翼(足本版) 120,857 views
  • 【捱過杜汶澤婚外情】田蕊妮死守19年 俾老公用100蚊搞掂:我好崇拜佢(足本版) 104,229 views
  • 【黑幫14K操控】一條街十幾個妓女 元朗企街狼招拉客極擾民(足本版) 76,563 views
  • 【何志平種錯生基出事】富豪御用風水師爆料 何志平信錯師傅:佢難逃一劫(足本版) 73,907 views
  • 【心臟衰竭執番條命】66歲患糖尿困擾 吳孟達親述:自己辛苦身邊人都辛苦(足本版) 56,663 views