< 返回
  • 【網上熱話】窮人恩物脆辣雞腿包大縮水?網民:依家啲雞好有廢肉feel
  •   7,256 views │ 2017年11月22日
    留言()

 

老麥的脆辣雞腿包向來是港人最愛的包包之一,辣辣哋又香口,加上套餐都係24蚊,絶對係窮人恩物。不過近日就有網民大控訴,指重温童年時最愛吃的脆辣雞腿包時,發現個包不論味道及大小都比昔日遜色,「我隱約見到一個自己細個個陣嘅靈魂同我揮手say Goodbye...」

網民馬來西亞球迷近日在高登發了千字文,指自己細個時因家窮,去老麥食個包已經叫奢侈。不過就算幾窮,每次去老麥,父母都會買脆辣雞腿包套餐俾佢,而父母就散叫,仲一個包兩份食咁慘情。

該位網民話記得第一次食呢款包時已覺得好好食,「雞扒表皮個衣炸得又香又脆,雞肉有辣汁會『必』出來,肉夠香夠嫩,結果我唔小心講咗「哇呢個好好食」出來。」

長大後佢自言好少去老麥,加上有老婆的愛心健康飯盒,連出街食飯都少咗。直至最近心血來潮,再叫脆辣雞腿包來回憶童年時的快樂滋味,點知。。。換來好大好大失望:「我咬開脆辣雞腿包嗰下,塊扒已經得返以前嘅二分一size,可能都無,以前塊扒唔係咁,你唔會覺得佢啲肉好假,依家呢塊,你唔覺得自己食緊嘅食雞扒,甚至連食物都稱唔上,唔乾但無汁,唔鞋但唔嫩,肉質緊但唔彈牙...係咪合成肉我唔知...我只係覺得,好好地連一個細個食到大嘅包都變成咁,我再望下細個住嘅地頭,除咗間老麥企得住,其他都拆哂...人變晒...所有事物忽然間都變得好陌生...」

真係睇到人眼濕濕,有網民概歎呢啲就係「時代的眼淚」,超sad囉!

網民回應:

青衣精神院友: 睇完好SAD 再睇下自己仲SAD

茄粉:食個金拱門雞腿包都咁人生無常

綠帽小子:理想:有老婆同自己捱老麥回憶細個辛酸 現實:自己孤獨捱到老哽老麥回憶細個辛酸..

夾硬泥:而家d雞好有廢肉feel

不見維港:你起碼有老婆叫你食少d,而我...一直都係一個

 
熱門新聞
  • 【新移民呃綜援實況】月入3萬歐洲旅行 老闆:佢哋富貴仲幫仔女買樓(足本版) 141,180 views
  • 【42歲焦媛離奇暴瘦】街頭呆滯落晒形 焦媛驚變人乾:樂觀正面應戰(足本版) 127,682 views
  • 【獨家〡30億嫩妻半島富貴sweet】何艷娟放電嗲爆老公 吳志誠扮後生冧妻(足本版) 91,972 views
  • 【20年父女戀】一生人得高志森呢個男人 焦媛坦白:我有戀父情意結(足本版) 63,924 views
  • 【每日壹爆〡老董家族平價霸地】每月1萬蚊霸8萬呎地 淺水灣靚官地變董家骨灰龕 62,086 views
  • 【起點係北京新移民】何艷娟英國大改造 升呢孖四太李雲迪歐遊(足本版) 57,953 views