< 返回
  • 慳位按摩梳化 OSIM uDiva 2腳背獨立玩
  •   3,691 views │ 2018年01月19日
    留言()

 

香港新樓面積愈來愈細,按摩椅亦都愈出愈細,由過往獨沽一味齋按摩,變身做按摩梳化,即是話平時更可以當梳化用。當然,要細,就要有所取捨,功能不能與按摩椅相比,不過,OSIM新推出的uDiva 2,一樣細細張,但就可以做到按摩椅功能,點解?

 

8種變法

通常OSIM都會為旗下按摩椅改個「外號」,今次都無例外,uDiva 2又名叫8變小天后,最大原因是打破過往按摩梳化的傳統,新椅將背部按摩及腳部按摩改為獨立操作,加上腳部按摩位可反轉,變身成為貴妃椅,而且背部可作無間段斜度調校,單單玩外形,已經有好多種變化。廠方亦「守信用」變出8種用途,雖然部分外觀幾相似,查實各有用法,無講大話。

 

按到上頸

最主要的按摩部分,先講背部,別以為大型圓形背墊識得按摩,其實沒有按摩功能,所以按摩背部時記得要先拆除背墊。但拆下背墊後可放在大髀上,玩電腦睇書時更舒服,其實講話係背部按摩未必準確,因為uDiva 2的「行程」非常長,而且椅背不但可傾斜,配合不同位置時,更加會升高,幾乎由臀部位一直伸延至頸後,由於採用滾輪及按摩球,能夠連雙耳後位置都按到,同廠之中,只有「白馬王子」級數先有,兩者價錢相差一倍有多,所以話,絕對不能睇小按摩梳化。

 

反轉座椅

獨立操作的腳部按摩,賣相與之前的按摩梳化差不多,可以反轉作為貴妃椅,而且雙腳輕輕一伸,更能夠調校長度,適合高人一族。好多人怕腳部按摩器會夾得太緊,其實uDiva 2腳部按摩除了裝有滾輪之外,底部亦具備震動功能,力度亦都未算太強烈,就算女士用都不怕。

 

 

體積:

98×80×82cm(收起)、

162×80×95cm(展開)

重量:53kg      售價:$13,888

 

 

按摩梳化易擺又按得,相當適合香港蝸居,所以不少品牌都有推出,同樣細細張,但一樣按得舒舒服服。

 

太空造型  OGAWA MySofa

科幻外形夠討好,按摩軌道長達93.5cm,

具有4種按摩程序,提供揉捏、

敲打、揉拍及指壓功能。

售價:$10,980

 

嬰兒享受  OTO II-Zone Star

全包式座椅設計,不但提供4種按摩

程序,座椅更可作150度斜趟姿勢,

將座椅變身做搖搖椅,造出近乎無重狀態。

售價:$11,998
熱門新聞
  • 【家有魔鬼僱主】有片慎入僱主狂鬧10分鐘 外傭含淚爆魔鬼家規(足本版) 131,196 views
  • 【每日壹爆●艷星風光背後】落難時做過麥當勞大家樂 鄭艷麗: 清潔阿嬸我都做(足本版) 113,264 views
  • 【藝員失婚失業打不死】忘記老公家中荒唐搞女 50歲黎海珊素顏孖男伴出街睇戲 (足本版) 85,149 views
  • 【個仔似足老豆】李琳琳老來得子 70歲姜大衛細仔只得22歲(足本版) 73,088 views
  • 【暗寸姣婆亞姐】被萬綺雯搶走呂頌賢 傳黎海珊入廠掌摑小三(足本版) 70,122 views
  • 【明明有老公】陳自瑤心酸湊女疲倦 死守因為王浩信玩三招箍煲 (足本版) 64,448 views